Thursday, May 29, 2008

സാംസ്കാരിക വകുപ്പ് മന്ത്രിക്ക് ഒരു മലയാള ബ്ലോഗര്‍ സമര്‍പ്പിക്കുന്ന പരാതി.

സര്‍,

അമ്മ മലയാളത്തെ ഒരു വികാരമായി ഹൃദയത്തില്‍ സൂക്ഷിക്കുന്ന ഒരു സമൂഹം കമ്പൂട്ടറിനെ മലയാളം പഠിപ്പിച്ച് വിവര സാങ്കേതിക വിദ്യയുടെ ഏറ്റവും ന്യൂതനമായ മാര്‍ഗ്ഗങ്ങള്‍ ഉപയോഗിച്ച് കഴിഞ്ഞ രണ്ട് വര്‍ഷമായി വായുവില്‍ വളര്‍ത്തിയെടുക്കുന്ന മലയാള ഭാഷയെ കുറിച്ച് താങ്കള്‍ക്ക് അറിവുണ്ടാകുമല്ലോ? മലയാളത്തില്‍ ബ്ലോഗ് എഴുതുക എന്നാല്‍ അവരവരുടെ സൃഷ്ടികള്‍ കമ്പൂട്ടറില്‍ ടൈപ്പ് ചെയ്തിടുക എന്ന് മാത്രമല്ല അര്‍ത്ഥമാക്കേണ്ടുന്നത്. പുസ്തകങ്ങളില്‍ നിന്നും അകന്നു ഇന്റര്‍നെറ്റിന്റെയും വിവരസാങ്കേതിക വിദ്യയുടേയും മാസ്മരിക ലോകത്ത് വിഹരിക്കുന്ന പുതു തലമുറക്ക് മലയാളത്തോട് ചേര്‍ന്ന് നില്‍ക്കാനുള്ള അവസരവും ഏറ്റവും ലളിതമായ മാര്‍ഗ്ഗങ്ങളിലൂടെ നമ്മുടെ മാതൃഭാഷയിലൂടെ തന്നെ സന്ദേശങ്ങള്‍ കൈമാറാനുള്ള സ്വാതന്ത്ര്യവും എല്ലായിപ്പോഴും ഒരു കീ ബോര്‍ഡിനപ്പുറം അമ്മ മലയാളത്തെ വായിക്കാനുള്ള അനുഗ്രവുമാണ് മലയാള ഭാഷാ ബ്ലോഗിങ്ങിന്റെ സവിശേഷത.

കഴിഞ്ഞ രണ്ടര വര്‍ഷക്കാലമായി മലയാള ബ്ലോഗിങ്ങ് സമൂഹം യാതൊരു വിധ പ്രതിഫലവും പ്രതീക്ഷിക്കാതെ മലയാളത്തില്‍ എഴുതി കൂട്ടിയ ലേഖനങ്ങളും കഥകളും കവിതകളും മറ്റുള്ളവര്‍ക്ക് പാഠമാകാന്‍ കഴിയുന്ന തരത്തിലുള്ള അനുഭവകുറിപ്പുകളും ഏകദേശം ഒരു ലക്ഷം കവിയും. നല്ല എണ്ണം പറഞ്ഞ എഴുത്ത് കാരും നിരീക്ഷകരും നിറഞ്ഞ് നില്‍ക്കുന്നതാണ് മലയാളം ബ്ലോഗിങ്ങ്. ബൂലോഗം എന്ന സങ്കല്പ സമൂഹം സൃഷ്ടിച്ച് ആത്മ സംതൃപ്തിക്ക് വേണ്ടി മാത്രം എഴുതി മറ്റുള്ളവര്‍ക്ക് വായിക്കാനായി സമര്‍പ്പിക്കുന്ന മലയാള ബ്ലോഗിങ്ങിന് തുല്യം വെക്കാന്‍ മലയാള ഭാഷാ സാഹിത്യ സാംസ്കാരിക രംഗത്ത് മറ്റെന്തെങ്കിലും ഉണ്ടാകുമെന്ന് തോന്നുന്നില്ല. ഒരു സര്‍ക്കാര്‍ ഏജന്‍സിയുടേയും സാമ്പത്തികമോ ധാര്‍മ്മികമോ ആയ സഹായമില്ലാതെ വിവര സാങ്കേതിക രംഗത്ത് മലയാള ഭാഷ വളര്‍ന്ന് വരുവാനായി ബ്ലോഗ് സമൂഹം ചെയ്യുന്ന സേവനം തുല്യതയില്ലാത്തതാണ്.

ഏകദേശം മൂവായിരത്തോളം എഴുത്ത് കാരും എത്രയോ ഇരട്ടി വായനക്കാരും ഉള്ള ഈ സമൂഹം ഇന്നൊരു പ്രതിസന്ധിയിലാണ്. മലയാള ബ്ലോഗ് സമൂഹം ഉരുക്കഴിച്ചെടുത്ത അവരുടെ രചനകള്‍ യാതൊരു തത്വദീക്ഷയും ഇല്ലാതെ കേരള്‍സ് ഡോട് കോം എന്ന വെബ് പത്രം കോപ്പി ചെയ്തിരിക്കുന്നു! എഴുത്ത് കാരുടെ അറിവോ സമ്മതമോ കൂടാതെ കേരള്‍സ് ഡോട് കോം അവരുടെ വെബ് സൈറ്റില്‍ ബൂലോഗത്തെ ശ്രദ്ധേയമായ മിക്ക ബ്ലോഗ് പോസ്റ്റുകളും കോപ്പിയടിച്ച് പ്രസിദ്ധീകരിച്ചിരിക്കുന്നതിനെതിരേ ഈ സമൂഹം അതിന്റെ എല്ലാ ശക്തിയും ഉപയോഗിച്ച് പ്രതിഷേധിച്ചു കൊണ്ടിരിക്കുകയാണ്.

ഈ പകല്‍ വെട്ടി കൊള്ള കേരള്‍സ് ഡോട് കോമിന്റെ മാനേജ്‌മെന്റിന്റെ ശ്രദ്ധയില്‍ കൊണ്ടു വരുവാന്‍ ശ്രമിച്ചു എങ്കിലും വളരെ നിഷേധാത്മകമായ ഒരു നിലപാടാണ് അതിന്റെ നേതൃത്വത്തില്‍ ഉള്ളവരില്‍ നിന്നും ഞങ്ങള്‍ക്ക് കിട്ടിയത്. പരാതി സന്ദേശമയച്ചവരെ അവരുടെ സൈറ്റ് സന്ദര്‍ശിക്കുന്നതില്‍ നിന്നും വിലക്കിയതിലൂടെ കട്ട മുതല്‍ ചോദിച്ച് ചെന്ന ഉടമസ്ഥനെ കട്ടവന്‍ ബന്ധനസ്ഥനാക്കുന്ന അവസ്ഥയാണ് കേരള്‍സ് ഡോട് കോമില്‍ നിന്നും ഉണ്ടായിരിക്കുന്നത്. കൂടാതെ പരാതി പെട്ടവര്‍ക്ക് പ്രകോപനപരമായ മറു സന്ദേശം അയച്ചും ഭീഷണിപ്പെടുത്തിയും കേരള്‍സ് ഡോട് കോം അവരുടെ നിഷേധാത്മക നിലപാട് തുടരുകയാണ്.

കേരള്‍സ് ഡോട് കോമിന്റെ ഉടമസ്ഥന്‍ കൊട്ടാരക്കരയിലുള്ള ഒരു അവിനാശ് ആണെന്നും രെജിസ്ട്രേഡ് ഓഫീസ് ശ്രീനഗറില്‍ ആണെന്നും കമ്പനിയുടെ പേര് അനശ്വര ഗ്രൂപ്പ് ഓഫ് കമ്പനി പ്രൈവറ്റ് ലിമിറ്റഡ് ആണെന്നുമാണ് അവരുടെ വെബ് സൈറ്റില്‍ നിന്നും മനസ്സിലാകുന്നത്. വിവര സാങ്കേതിക രംഗത്തെ പകര്‍പ്പവകാശത്തിന്റെ പരിധിയിലും ബൌദ്ധിക സ്വത്തവകാശ നിയമത്തിന്റെ പരിധിയിലും വരുന്ന കുറ്റകരമായ ഒരു നടപടിയായി കേരള്‍സ് ഡോട് കോമിന്റെ ചെയ്തിയെ കാണണം എന്ന് വിനീതമായി അപേക്ഷിക്കുകയാണ്. വിവര സാങ്കേതിക രംഗത്ത് നടക്കുന്ന കുറ്റകൃത്യങ്ങളില്‍ ഒന്നായി ഈ വിഷയത്തെ കണ്ട് മലയാള ഭാഷയുടെ വളര്‍ച്ചക്ക് അനുഗുണമായ രീതിയില്‍ ഗവണ്മെന്റിന്റെ ഭാഗത്ത് നിന്നും ഇക്കാര്യത്തില്‍ ക്രിയാത്മകമായ ഇടപെടലുകള്‍ ഉണ്ടായില്ലാ എങ്കില്‍ ഇത്തരം കുറ്റകൃത്യങ്ങള്‍ തുടര്‍കഥയാകും.

മലയാള ഭാഷയെ പ്രവാസത്തിലിരുന്നും സ്നേഹിക്കുന്ന ഒരു വല്യ സമൂഹത്തിന്റെ പ്രതിഷേധവും പരാതിയുമാണിത്. കേരള്‍സ് ഡോട് കോമിനെതിരേ വേണ്ടുന്ന രീതിയിലുള്ള നടപടികള്‍ക്ക് ഞങ്ങള്‍ അങ്ങയുടെ സഹായം തേടുന്നു.

അനുകൂലമായ നടപടി പ്രതീക്ഷിച്ചുകൊണ്ട്,
സസ്നേഹം
അഞ്ചല്‍ക്കാരന്‍
shehabu@gmail.com
P.A. Shehabu
P.B. No. 70029
Sharjah, U.A.E.

----------------------------------------------------
(ഇതുമായി ബന്ധപ്പെട്ട് ഇതുവരെയുണ്ടായിട്ടുള്ള ചര്‍ച്ചകളും ലേഖനങ്ങളും പ്രതിഷേധ കുറിപ്പുകളും എഴുത്തു കുത്തുകളും ലിങ്കായി ചേര്‍ക്കുന്നു.)

1. സജിയുടെ ബ്ലോഗിലെ ചര്‍ച്ച : ബ്ലോഗുകള്‍ കേരള്‍സ് ഡോട് കോമില്‍

2. രാജ് നീട്ടിയത്തിന്റെ ബ്ലോഗില്‍ : Banned from reading my content

3. മയൂരയുടെ ബ്ലോഗില്‍ : 1. Boot legging bloggers posts, shame on you kerala dot com
2. പോസ്റ്റും കട്ടു ബാനും ചെയ്തു


4. ഇഞ്ചിപ്പെണ്ണിന്റെ ബ്ലോഗില്‍ : 1.മോഷണം മോഷണം തന്നെ പാരില്‍
2. Kerals.com ന്റെ പുതിയ വിരട്ടല്‍ തന്ത്രം (header gorging)

5. കണ്ണൂസിന്റെ ബ്ലോഗില്‍: Are u a thief Mr. Kerals Dot Com

6. വല്യമ്മായിയുടെ ബ്ലോഗില്‍: Content theft by kerals.com

7. കണ്ണൂസിന്റെ ബ്ലോഗില്‍: കേരള്‍സ് ഡോട് കോമിന്റെ മാപ്പ്

8. അഗ്രജന്റെ ബ്ലോഗില്‍: ബ്ലോഗ് മോഷണം.

9. COPY WRITE VOILATIONS എന്ന ബ്ലോഗില്‍:Kerals.com-The new wave of plagiarism from blogs

10. സിബുവിന്റെ ബ്ലോഗില്‍: Kerals.com - a theif who stalks its victims.html

11. അരവിന്ദിന്റെ ബ്ലോഗില്‍: Content theft by kerals.com

12. തുളസി കക്കട്ടിലിന്റെ ബ്ലോഗില്‍: Content theft by kerals.com

13. ഡാലിയുടെ ബ്ലോഗില്‍: The story of robbery: plagiarism by kerals.com

14. A world of my own എന്ന ബ്ലോഗില്‍: A short term course on "How to plagiarize" by kerals.com

15. പ്രമോദ് കെ.എമ്മിന്റെ ബ്ലോഗില്‍: Content theft by kerals.com

16. രേഷ്മയുടെ ബ്ലോഗില്‍: Content theft by kerals.com

17. സതീഷ് മാക്കോത്തിന്റെ ബ്ലോഗില്‍: ചോദിച്ചാല്‍ തരുമായിരുന്നല്ലോ കേരള്‍സേ...

18. ബ്ലോഗാര്‍ത്ഥി എന്ന ബ്ലോഗില്‍: Stealing-2.0
-------------------------------------------------------

ഈ കത്ത് ബഹുമാനപ്പെട്ട സാംസ്കാരിക വകുപ്പ് മന്ത്രിക്ക് അയക്കുന്നു.
അദ്ദേഹത്തിന്റെ വിലാസം:
ശ്രീ. എം.എ. ബേബി,
റൂം നമ്പര്‍ 208, സെക്കന്റ് ഫ്ലോര്‍,
നോര്‍ത്ത് സാന്റ്വിച്ച് ബ്ലോക്ക്,
സെക്രട്ടറിയേറ്റ്, തിരുവനന്തപുരം.
ഈ മയില്‍ : minister-education@kerala.gov.in


കോപ്പി സൈബര്‍ സെല്ലിനും അയക്കുന്നു.

ഇത് സൈബര്‍ സെല്ലില്‍ രെജിസ്ടര്‍ ചെയ്യാനുള്ള ലിങ്ക്. ഇവിടെ പേര് രെജിസ്റ്റര്‍ ചെയ്തെങ്കില്‍ മാത്രമേ സൈബര്‍ സെല്ലിലേക്ക് പരാതി അയക്കാന്‍ കഴിയുള്ളൂ. സൈബര്‍ സെല്ലിന്റെ ഈ മെയില്‍ ഐഡി cyberkeralam@cdactvm.in എന്നതാണ്.സൈബര്‍ സെല്ലുമായി ബന്ധപ്പെടാനുള്ള കൂടുതല്‍ വിവരങ്ങള്‍ ഇവിടെ.

9 comments:

അഞ്ചല്‍ക്കാരന്‍ said...

കേരള്‍സിന്റെ ചെയ്തികള്‍ സര്‍ക്കാറിന്റെ ശ്രദ്ധയില്‍പ്പെടുത്താനുള്ള ഒരു ശ്രമമാണ്. വിവര സാങ്കേതിക രംഗത്തെ കുറ്റകൃത്യങ്ങള്‍ക്ക് മേല്‍ നമ്മുടെ നിയമങ്ങള്‍ എത്രത്തോളം ക്രിയാത്മകമാണെന്ന് അറിയില്ല. എങ്കിലും മലയാള ഭാഷയ്ക്ക് മേലുള്ള കടന്ന് കയറ്റമായി ഗവണ്മെന്റ് ഈ ചെയ്തിയെ കാണുമെന്ന പ്രതീക്ഷയിലാണ് ഇങ്ങിനെയൊരു പരാതി ബഹുമാനപ്പെട്ട വകുപ്പ് മന്ത്രിക്ക് സമര്‍പ്പിക്കുന്നത്.

എല്ലാ പത്ര മാധ്യമങ്ങളിലേക്കും ഈ വിഷയവുമായി ബന്ധപ്പെട്ട വാര്‍ത്ത എത്തിച്ചിട്ടുണ്ട്.

ഒന്ന് ഒത്തു പിടിച്ച് നോക്കാം - തെറ്റു തിരുത്തുമോ എന്ന്.

krish | കൃഷ് said...

അഞ്ചൽക്കാരന്റെ ഈ ശ്രമം അഭിനന്ദനാർഹം.
ഇത് ബന്ധപ്പെട്ട അധികൃധരുടെ കണ്ണ് തുറപ്പിക്കുമെന്നും നടപടി എടുക്കുമെന്നും പ്രതീക്ഷിക്കുന്നു.

സൈബർ കുറ്റകൃത്യങ്ങൾ കൈകാര്യം ചെയ്യുന്ന ഐ.ടി.സൈബർ സെല്ലിലേക്കും ഒരു പരാതി കൊടുക്കാമല്ലോ.

കുഞ്ഞന്‍ said...

അഭിനന്ദാര്‍ഹമായ ശ്രമം..എന്റെ എല്ലാവിധ ധാര്‍മ്മിക പിന്തുണ പ്രഖ്യാപിക്കുന്നു. അതിനോടൊപ്പം ബൂലോകത്തിന് ഈ കേരള്‍കോം എന്ന മോഷ്ടാവിനെ നിയമത്തിനു മുപില്‍ കൊണ്ടുവരുന്നതിനു വേണ്ടി വരുന്ന സാമ്പത്തിക പ്രശ്നങ്ങള്‍ക്ക് എന്നാല്‍ കഴിയുന്ന വിഹിതം ഞാന്‍ തരാമെന്ന് ഉറപ്പു നല്‍കുന്നു അഞ്ചല്‍ക്കാരാ

സസ്നേഹം
കുഞ്ഞന്‍ (പ്രവീണ്‍- ബഹ്‌റൈന്‍)

കുറ്റ്യാടിക്കാരന്‍|Suhair said...

ആ പരാതിയുടെ അടിയില്‍ എന്റെ വകയും ഒരു ഒപ്പ്.

തറവാടി said...

അഞ്ചലേ , അഗ്രജന്‍‌റ്റെ ലിങ്കും ചേര്‍ക്കൂ.

Kiranz..!! said...

ശക്തമായ ഇടപെടല്‍ തന്നെ അഞ്ചലേ..കൊള്ളാം.

ആഷ | Asha said...

കട്ടെടുത്തതും പോരാഞ്ഞ് അവന്റെയൊക്കെ ഭീഷണിയും കേള്‍ക്കണമെന്നു വെച്ചാ എന്താ ചെയ്ക!

ഈ പരാതിക്ക് താഴെ എന്റേയും ഒരു ഒപ്പ്.

Viswaprabha said...

.

മുക്കുവന്‍ said...

ആ പരാതിയുടെ അടിയില്‍ എന്റെ വകയും ഒരു ഒപ്പ്.