മലയാള ബ്ലോഗുകളിലെ പരസ്യങ്ങള് അന്യ ഭാഷാ ബ്ലോഗുകളിലെ പരസ്യങ്ങളേക്കാള് താരതമ്യേന കുറവാണ്. വായനക്കാരും താരതമ്യേന കുറവാണെന്നു പറയാം. മലയാളം ബ്ലോഗെഴുത്തുകാരേക്കാള് കുറവാണ് ഒരു പക്ഷേ വായനക്കാര്. ബ്ലോഗിങ്ങിന്റെ സന്ദേശം പ്രചരിപ്പിയ്ക്കാന് ശ്രമിയ്ക്കുന്നവര് കൂടുതല് ബ്ലോഗെഴുത്ത് കാരെ സൃഷ്ടിയ്ക്കാനാണ് ശ്രമിയ്ക്കുന്നതും. ബ്ലോഗ് കൂടുതല് വായിയ്ക്കപ്പെടാനുള്ള പ്രചാരണം ഇപ്പോഴും തുലോം കുറവു തന്നെ.
ബ്ലോഗെഴുതുന്നവര് മിക്കവാറും ബ്ലോഗു വായനക്കാരും ആണെന്നുള്ളതും വസ്തുതയാണ്. ബ്ലോഗുകളില് വരുന്ന പോസ്റ്റുകളില് കാതലുള്ള പോസ്റ്റുകള് നിരവധിയാണ്. അവരവര്ക്ക് ഇഷ്ടമുള്ളത് എഴുതിയിടുന്നു എന്നു പറയുമ്പോഴും അനുവാചകനെ രസിപ്പിയ്ക്കുന്ന പോസ്റ്റുകള്ക്ക് ഒരു പഞ്ഞവും മലയാള ബ്ലോഗിങ്ങില് ഇന്ന് നിലനില്ക്കുന്നില്ല. ഒരു ദിവസം സൃഷ്ടിയ്ക്കപ്പെടുന്ന നൂറോളം പോസ്റ്റുകളില് ഏറ്റവും കുറഞ്ഞത് ഇരുപത്തിഅഞ്ച് പോസ്റ്റെങ്കിലും ശ്രദ്ധിയ്ക്കപ്പെടേണ്ടവയുമാണ്. പക്ഷേ പോസ്റ്റിന്റെ ഉടമയ്ക്ക് അര്ഹിയ്ക്കുന്ന പേജ് ഹിറ്റു പോലും ലഭിയ്ക്കാറില്ല. പിന്നെ പോസ്റ്റുകള്ക്ക് ലഭിയ്ക്കുന്ന പ്രതിഫലത്തെ കുറിച്ചു ചിന്തിച്ചിട്ട് കാര്യമില്ലല്ലോ?
ബ്ലോഗര് നല്കുന്ന സൌജന്യ സേവനം ഉപയോഗപ്പെടുത്തി ബ്ലോഗുന്നവര്ക്ക് എന്ത് പ്രതിഫലം എന്നായിരിയ്ക്കും ചോദിയ്ക്കാന് വരുന്നത്. ശരിയാണ്. തികച്ചും ഗൂഗിളിന്റെ സൌജന്യത്തില് ബ്ലോഗുന്നവര്ക്ക് അവരില് നിന്നും പ്രതിഫലം ഒന്നും പ്രതീക്ഷിയ്ക്കേണ്ടല്ലോ. വായനക്കാരില് നിന്നും പ്രതിഫലം ചോദിച്ചാല് പിന്നെ ബ്ലോഗിലേയ്ക്ക് ആരെങ്കിലും വരുമെന്നും തോന്നുന്നില്ല. അല്ലെങ്കില് തന്നെ പെയിഡ് ബ്ലോഗിങ്ങിനു എത്രത്തോളം സാധ്യതയുണ്ട് എന്നും അറിയില്ല. മറ്റേതെങ്കിലും ഭാഷയില് അങ്ങിനെയൊരു സംമ്പ്രദായം നിലനില്ക്കുന്നുണ്ടോ എന്തോ?
ഇവിടെയാണ് പരസ്യങ്ങളുടെ സാധ്യത. ബ്ലോഗ് എഴുതുകയും വായിയ്ക്കുകയും ചെയ്യുന്ന നാം എപ്പൊഴെങ്കിലും നാം വായിച്ചു തിരിച്ചു വരുന്ന ബ്ലോഗുകളില് കാണുന്ന പരസ്യങ്ങള് കണ്ടു എന്നു നടിയ്ക്കാറുണ്ടോ? മലയാള ബ്ലോഗുകളില് പരസ്യങ്ങള് അപൂര്വ്വമാണ്. എന്നിട്ടു കൂടി പോസ്റ്റു വായിച്ച് വല്ലപ്പോഴും ഒരു കമന്റുമിട്ട് തിരിച്ചു പോകാറാണ് പതിവ്. വായിച്ചൊരു പോസ്റ്റ് നാം ആസ്വദിച്ചെങ്കില് എന്തു കൊണ്ട് പാര്ശ്വങ്ങളില് തൂങ്ങുന്ന പരസ്യങ്ങളില് നമ്മുക്കൊന്നു ക്ലിക്കി തിരിച്ചു പോന്നു കൂട? മിക്കപ്പോഴും ഗുണപ്രദങ്ങളായ സൈറ്റുകളിലേയ്ക്കാരിയിക്കും നാം ആ ക്ലിക്കുകളിലൂടെ ചെന്നെത്തുന്നതും. ഒരാവശ്യത്തിനു ഗൂഗിളില് സെര്ച്ച് ചെയ്ത് നാം നമ്മുക്ക് വേണ്ടുന്ന സൈറ്റുകളിലേയ്ക്ക് പോകാറുണ്ട്. നാം വായിയ്ക്കുന്ന ബ്ലോഗുകളിലെ പരസ്യങ്ങളില് ഒന്നു ക്ലിക്കിയാല് ആ ബ്ലോഗിന്റെ ഉടമയ്ക്ക് നേരിയതെങ്കിലും ഒരു വരുമാനം ലഭിയ്ക്കാനുള്ള സാധ്യത നിലനില്ക്കുമ്പോള് നാം എന്തു കൊണ്ട് അതിനു മടിയ്ക്കുന്നു?
യൂണിക്ക് വിസിറ്റുകളിലൂടെ ലഭിയ്ക്കുന്ന പരസ്യവരുമാനത്തിനും ക്ലിക്കുകളിലൂടെ ലഭിയ്ക്കുന്ന പരസ്യവരുമാനത്തിനും തമ്മില് അജഗജാന്തരമുണ്ട്. നേരിട്ടുള്ള ക്ലിക്കുകളിലൂടെ ക്ലിക്കൊന്നിനു ഏകദേശം 0.02 ഡോളര് ബ്ലോഗിന്റെ ഉടമയ്ക്ക് ലഭിയ്ക്കുമെന്നാണ് കണക്ക്. യൂണിക്ക് വിസിറ്റിനു ആയിരം വിസിറ്റിനു ഒരു സെന്റോ മറ്റോ ആണെന്നു തോന്നുന്നു. പേജ് വ്യൂവിന്റെ കണക്ക് അറിയുമില്ല. ഇതേപറ്റി കൂടുതല് അറിയാവുന്നവര് വിശദീകരിച്ചാല് നന്നായിരുന്നു. ഇത് ഗൂഗിള് പ്രൊവൈഡ് ചെയ്യുന്ന പരസ്യങ്ങളുടെ പ്രതിഫലത്തിന്റെ ഏകദേശ കണക്കാണ്. ഗൂഗിള് അല്ലാതെ മറ്റു പരസ്യദാതാക്കളും പരസ്യങ്ങള് നല്കുന്നുണ്ട്. മിക്കവയും തട്ടിപ്പാണുതാനും.
പരസ്യദാതാക്കളുടെ തട്ടിപ്പ് ഈ പോസ്റ്റിനു വിഷയമല്ലാത്തതു കൊണ്ട് അതിലേയ്ക്ക് കൂടുതല് കടക്കുന്നില്ല. പരസ്യങ്ങളാണ് വിഷയം. പരസ്യങ്ങളില് ഒന്നു ക്ലിക്കിയാല് നമ്മുടെ കൂട്ടത്തില് തന്നെയുള്ള, പലപ്പോഴും മറ്റൊന്നും പ്രതീക്ഷിയ്ക്കാതെ നമ്മെ രസിപ്പിയ്ക്കുന്ന പോസ്റ്റുകളുമായി വരുന്നവര്ക്ക് നമ്മുടെ ഏതാനും നിമിഷങ്ങള് ചെറിയൊരു വരുമാനം ആകുമെങ്കില് നാമെന്തിനു അത് ചെയ്യാതെ മാറി നില്ക്കണം? നഷ്ടപ്പെടാനൊന്നുമില്ലാതെ മറ്റൊരാളെ സഹായിയ്ക്കാന് കഴിയുന്ന ഒരു സാധ്യത നാം എന്തു കൊണ്ട് ഉപയോഗപ്പെടുത്താതിരിയ്ക്കണം? ചേതമില്ലാത്ത ഉപകാരമല്ലേ? ഇവിടെ നല്ലൊരു പോസ്റ്റ് വായിച്ചാല് അതിന്റെ ഉടമയ്ക്ക് ഒരു പ്രോത്സാഹനം എന്ന നിലയില് അദ്ദേഹത്തിന്റെ അദ്ധ്വാനത്തിനു നമ്മുക്ക് നഷ്ടപ്പെടാനൊന്നും ഇല്ലാത്ത ഒരു പ്രതിഫലം നല്കുന്നതു തെറ്റാകുന്നില്ലല്ലോ? പോസ്റ്റ് വായിച്ചതിനു ശേഷം പോസ്റ്റ് ഇഷ്ടപ്പെട്ടു എങ്കില് - ഇഷ്ടപ്പെട്ടു എങ്കില് മാത്രം -ആ ബ്ലോഗിലെ പരസ്യങ്ങളിലും കൂടി ഒന്നു കണ്ണോടിയ്ക്കുക. എന്നിട്ട് നമ്മുക്ക് ഗുണപ്രദമാകും എന്നു തോന്നുന്ന ഏതെങ്കിലും പരസ്യം ഉണ്ട് എങ്കില് അവിടെ ഒന്നു സന്ദര്ശിയ്ക്കുക. ബ്ലോഗിന്റെ ഉടമയ്ക്ക് അദ്ദേഹത്തിന്റെ അദ്ധ്വാനത്തിനു നമ്മള് അങ്ങിനെ ചെറിയൊരു പ്രതിഫലം നല്കുകയും ആകും, പുതിയൊരു സൈറ്റ് നമ്മള് പരിചയപ്പെടുകയും ആകും.
ബ്ലോഗോ അല്ലെങ്കില് വെബ്ലൈറ്റുകളോ സന്ദര്ശിയ്ക്കുന്നവര് കണ്ണില്പ്പെടുന്ന പരസ്യങ്ങളില് വേണമെങ്കില് ക്ലിക്കും എന്ന അടിസ്ഥാന തത്വത്തില് നിന്നും നേരിയൊരു വ്യത്യാസം. ബ്ലോഗില് എത്തിയിട്ട് വായിയ്ക്കുന്ന പോസ്റ്റ് നാം ഇഷ്ടപ്പെട്ടെങ്കില് ആ ബ്ലോഗില് തൂങ്ങുന്ന പരസ്യങ്ങളിലൂടെ ഒന്നു കണ്ണോടിയ്ക്കാന് അരനിമിഷം ചിലവാക്കുക. (പോസ്റ്റ് രസിപ്പിച്ചു എങ്കില് മാത്രം). എന്നിട്ട് നമ്മുക്ക് ഗുണപ്രദമാകാന് സാധ്യതയുള്ള ഏതെങ്കിലും പരസ്യം ഉണ്ട് എങ്കില് ആ ബ്ലോഗിലെ ലിങ്കിലൂടെ പ്രസ്തുത സൈറ്റ് സന്ദര്ശിയ്ക്കുക. നമ്മുക്ക് സന്ദര്ശിയ്ക്കാന് തക്ക ഗുണമുള്ള പരസ്യം ഒന്നുമില്ലാ എങ്കില് ക്ലിക്കുകയും വേണ്ട. പക്ഷേ പരസ്യങ്ങള് ഏതെങ്കിലും നമ്മുക്ക് ആവശ്യം ഉള്ളവയാണോ എന്നു ഒന്നു ഓടിച്ചു നോക്കാം. ക്ലിക്കുന്നതു നമ്മുക്ക് ആവശ്യമുണ്ട് എങ്കില് മാത്രം മതി താനും.
ബ്ലോഗ് വായിച്ചു രസിച്ചു തിരിച്ചു വരുമുന്നേ നമ്മേ രസിപ്പിച്ച ബ്ലോഗര്ക്ക് ഏറ്റവും ചെറുതെങ്കിലും നമ്മുക്ക് നഷ്ടപ്പെടാനൊന്നുമില്ലാത്ത ഒരു പ്രതിഫലം നല്കണം എന്ന തോന്നല് ഉണ്ടാകണം. അങ്ങിനെയൊരു തോന്നല് ഉണ്ടാകുമ്പോള് പാര്ശ്വങ്ങളില് തൂങ്ങുന്ന പരസ്യങ്ങളില് ചിലതെങ്കിലും നമ്മുക്ക് ആവശ്യമുള്ളതോ അല്ലെങ്കില് നാം തേടി നടന്നതോ ആയ സൈറ്റുകളുടെ ലിങ്ക് ആയിരിയ്ക്കുമെന്നതില് സംശയമൊന്നുമില്ല. ആ ലിങ്ക് നമ്മുടെയൊരു ക്ലിക്കും കാത്തിരിയ്ക്കുകയും ആയിരിയ്ക്കും!
Sunday, February 01, 2009
Subscribe to:
Post Comments (Atom)
42 comments:
താങ്കളുടെ ബ്ലോഗില് കൊമേഴ്ഷ്യല് പരസ്യങ്ങള് ഒന്നും കാണാന് ഇല്ല. അതു കൊണ്ട് ക്ലിക്കി സഹായിക്കാന് കഴിഞ്ഞില്ല എന്നു ആദ്യമേ പറഞ്ഞുകൊള്ളട്ടേ....
കമിംഗ് റ്റു ദ ടോപിക്... വല്ലാത്ത ഒരു ഐഡിയ തന്നെ ഇത്... ബ്ലോഗ് വായിക്കാന് വരുന്നവര് അതിലുള്ള പരസ്യങ്ങളില് ക്ലിക്കുക കൂടെ വേണം ന്ന് വച്ചാല്.... എത്ര കണ്ട് അമേച്വര് റൈറ്റേഴ്സ് വരുന്നോ അത്രയും ബ്ലോഗിംഗിന് നന്ന്. ഇനി ഇതില് അത്യാവശ്യം കാശും കൂടെ കിട്ടും എന്നായാല് പിന്നെ ചറപറാ ബ്ലോഗ്, ചറപറാ പോസ്റ്റ്.. അങ്ങോട്ടുമിങ്ങോട്ടും ക്ലിക്കി സഹായിക്കല്... അതിനൊരു ഗ്രൂപ്പ്...
ഇന് എ നട്ഷെല് വേണോ? കഴിവുള്ളവന്റെ ബ്ലോഗില് ആളു കൂടുതല് കേറും. പരസ്യം ഇടുന്നവന് കഴിവ്ഹുണ്ടെനില് വായിക്കുന്നവനെക്കൊണ്ട് ക്ലിക്കിക്കാന് തോന്നികും. അതാണല്ലോ പരസ്യം...
ഒരു അഡ്ജസ്റ്റ്മെന്റ് ക്ലിക്കല് വേണോ? ആര്കും ഗുണം ഉണ്ടാവും എന്നു തോന്നുന്നില്ല
:-)
ഈയിടെയായി ഇതെന്താ പറ്റിയേ! അഞ്ചല് തന്നെയല്ലേ ഈ പോസ്റ്റൊക്കെ എഴുതുന്നെ? :-D
ദെന് കമിംഗ് ടു ദി പോയിന്റ്; ഗൂഗിള് ആഡ്സെന്സിനെ സംബന്ധിച്ചിടത്തോളം, അവരുടെ പരസ്യം കിടക്കുന്നത് ബ്ലോഗാണോ, മറ്റേതെങ്കിലും വെബ് സൈറ്റാണോ എന്നൊന്നുമില്ല. ആവശ്യമുണ്ടെന്ന് തോന്നിയാല് വായനക്കാരന് ക്ലിക്ക് ചെയ്തോളുമല്ലോ... അതല്ലാതെ സൈറ്റ് ഉടമയ്ക്ക് വരുമാനമുണ്ടാക്കുവാനായി വെറുതേ പരസ്യത്തില് ക്ലിക്ക് ചെയ്യണമെന്നു പറയുന്നത് അണ്-എത്തിക്കല് ആണ്. ഏതെങ്കിലുമൊരു സൈറ്റ് ഉടമ അങ്ങിനെ ചെയ്യുന്നുണ്ട് എന്നു കണ്ടുപിടിച്ചാല് ഗൂഗിള് ആ സൈറ്റിലേക്കുള്ള ആഡ്സെന്സ് സര്വ്വീസ് ഒഴിവാക്കുമെന്നും ടേംസില് പറയുന്നു.
A എന്ന കമ്പനി ഗൂഗിളിന് ഒരു മാസം 200 ക്ലിക്കിന് കാശു നല്കി എന്നിരിക്കട്ടെ. (അത്രയും ക്ലിക്ക് കഴിഞ്ഞാല് പിന്നെ ആ കമ്പനിയുടെ പരസ്യം ദൃശ്യമാക്കുകയില്ല.) അത് ഒരു സൈറ്റിലേക്കല്ല, ആ പരസ്യം ചേരുന്ന പലയിടത്ത് A-യുടെ പരസ്യം ഗൂഗിള് കാണിക്കും. എന്റെ ബ്ലോഗില് ആ പരസ്യം വന്നുവെന്നിരിക്കട്ടെ. വായനക്കാരന് പ്രയോജനമില്ലെങ്കിലും എന്നെ സഹായിക്കുവാന് ഒരമ്പതുപേര് വായിക്കുന്നതിന്റെ കൂട്ടത്തില് പരസ്യത്തിലും ക്ലിക്കിയാല് ആ കമ്പനിക്ക് പിന്നെ ആ മാസമുള്ളത് 150 ക്ലിക്കുകള് മാത്രം. അതായത് 50 ക്ലിക്കുകള്ക്ക് വെറുതേ കമ്പനി ഗൂഗിളിനു കാശു കൊടുത്തു, അവര്ക്ക് പ്രയോജനമൊന്നും ഉണ്ടായതുമില്ല. ഇനി ഒരു ഇരുനൂറുപേര് എന്നെ സഹായിച്ചാലോ? കമ്പനിക്ക് ഉപയോഗമുള്ള ഒരു വിസിറ്റ് പോലും ആ പരസ്യത്തില് നിന്നും ഉണ്ടായില്ല. ഇത് ന്യായമാണോ?
പിന്നെ, ഈ പോസ്റ്റില് പറഞ്ഞിരിക്കുന്നതുപോലെ പരസ്യമാണ് എന്നതുകൊണ്ട് മാത്രം ക്ലിക്കാതെയിരിക്കണ്ട. ചിലപ്പോഴൊക്കെ നല്ല പ്രയോജനപ്രദമായ സൈറ്റുകളും പരസ്യങ്ങളുടെ കൂട്ടത്തില് എത്താറുണ്ട്.
പരസ്യത്തില് നിന്നും വരുമാനമുണ്ടാക്കുവാന് താത്പര്യപ്പെടുന്നവര് സ്വന്തമായി പരസ്യം കണ്ടെത്തുന്നതാവും അതിലും ഉചിതം. ഗൂഗിള് ആഡ്സെന്സില് തന്നെ, അവരുടെ പരസ്യമില്ലാത്തപ്പോള് ദൃശ്യമാക്കേണ്ട പേജ് (അതായത്, പൊതുസേവന പരസ്യങ്ങള്ക്കു പകരമായി സൈറ്റ് ഉടമയ്ക്ക് ഇഷ്ടമുള്ള ഒരു പേജ് കാണിക്കാം) നല്കുവാന് സാധ്യതയുണ്ട്. ആ പേജില് ഈ രീതിയില് ബ്ലോഗ് ഉടമയ്ക്ക് സ്വന്തം നിലയില് പരസ്യങ്ങള് നല്കാം. പിന്നെ ആഡ്സെന്സ് വെയ്ക്കുവാനായി ഗൂഗിളിന്റെ അനുവാദം കിട്ടുന്നതു തന്നെ ഒരു ക്രെഡിറ്റാണേ... അവര് അപ്രൂവ് ചെയ്യുക അത്ര എളുപ്പമല്ല.
--
uluppille manushyaa?
:D
കൊച്ചു കള്ളന്...
മാവേലി നാടു വാണീടും കാലം....!!
താങ്കള് പറഞ്ഞ കാര്യത്തോടു ഞാന് 100% യോജിക്കുന്നു എന്റെ ബ്ലോഗിലെ പരസ്യത്തില് ക്ലിക്കി ക്ലിക്കി ക്ലിക്കി കൊണ്ട് താങ്കള് പറഞ്ഞ കാര്യം പ്രവര്ത്തിച്ചു കാണിച്ചു മറ്റുള്ളവര്ക്കു മാതൃകയാവണമെന്നു വിനീതമായി അപേക്ഷിക്കുന്നു
ശ്രീഹരി പറഞ്ഞതില് ശരിയുണ്ട്. നല്ല ഉള്ളടക്കമുള്ള ബ്ലോഗില്നിന്നും ഉപകാരം പറ്റുന്ന സന്മനസ്സുള്ളവര് ക്ലിക്കി സഹകരിക്കും. ഒരു സംശയം: മലയാള ഉള്ളടക്കം മാത്രമുള്ള ബ്ലോഗുകളില് ആഡ്സെന്സ് പരസ്യങ്ങള് സപ്പോര്ട്ട് ചെയ്യാത്ത പ്രശ്നമുണ്ടായിരുന്നുവല്ലോ. അത് പരിഹരിക്കപ്പെട്ടിട്ടുണ്ടോ?
അതെ...
ഇതു തന്നെയാണ് മലയാളം ബ്ലൊഗ്ഗ്, അധ്വാനിയ്ക്കാതെ എങ്ങനെ നാലുകാശുണ്ടാക്കാമെന്ന സന്ദേശം നല്കുന്ന ബ്ലൊഗ്ഗ്....
സാമൂഹ്യ പ്രതിബദ്ധതയോടെ പോസ്റ്റെഴുതാറുള്ള അഞ്ചലില് നിന്നും ഇത്തരം ഒന്ന് പ്രതീക്ഷിച്ചില്ല ,
ശ്രീഹരി,
എന്റെ ബ്ലോഗ് പോപ്പുലര് അല്ല എന്നുള്ളത് ആദ്യം മനസ്സിലാക്കേണ്ടുന്നത് ഞാന് തന്നെയല്ലേ? ആഡ്സന്സ് അക്കൌണ്ട് ഓപ്പണാണ്. പക്ഷേ പരസ്യം വേണ്ടാന്ന് വെച്ചത് വായനക്കാരനെ ബുദ്ധിമുട്ടിയ്ക്കാതിരിയ്ക്കാന് തന്നെയാണ്. എന്നെ സംബന്ധിച്ചിടത്തോളം എന്റെ ബ്ലോഗ് ഒരാള് വായിയ്ക്കാന് താല്പര്യപ്പെടുന്നത് തന്നെ എനിയ്ക്കുള്ള പ്രതിഫലം.
പിന്നെ ഈ പോസ്റ്റ് എന്തിനു എഴുതി എന്ന ചോദ്യം പ്രസക്തമാണ്. മലയാളത്തിലെ പോപ്പുലര് ബ്ലോഗുകളിലൊന്നിന്റെ ഉടമയോട് ഒരിയ്ക്കല് ചാറ്റില് ചോദിച്ച ചോദ്യത്തിനുത്തരമാണീ പോസ്റ്റ്.
നാം വായിയ്ക്കുന്ന ഒരു ബ്ലോഗിലെ നമ്മെ രസിപ്പിച്ച ഒരു പോസ്റ്റ് വായിച്ചു കഴിഞ്ഞതിനു ശേഷം അറിയാതെ പോലും ഒരു പരസ്യത്തില് ക്ലിക്കാതിരിയ്ക്കാന് ശ്രമിയ്ക്കുന്ന നമ്മുടെ മാനസികാവസ്ഥയെ കുറിച്ച് ആയിരുന്നു ആ ചാറ്റിന്റെ വിഷയം. നമ്മുക്ക് അനിവാര്യമായും സന്ദര്ശിയ്ക്കേണ്ട ഒരു സൈറ്റാണെങ്കില് കൂടിയും ഒരു ബ്ലോഗിന്റെ ലിങ്കിലൂടെ ആ സൈറ്റിലേയ്ക്ക് പോകാന് മടിയ്ക്കുന്ന മാനസികാവസ്ഥ എന്തിനെയാണ് സൂചിപ്പിയ്ക്കുന്നത്? വെറുതേ ക്ലിക്കണ്ട. പോസ്റ്റ് കൊള്ളാമെങ്കില് അതെഴുതിയ ആള്ക്കൊരു പ്രോത്സാഹനം എന്ന നിലയ്ക്ക് നമ്മുക്ക് എന്തെങ്കിലും പുതിയ ഇന്ഫര്മേഷന് ലഭിയ്ക്കും എന്ന് തോന്നുന്ന ഒരു ബാനറില് ഒന്നു ക്ലിക്കി ആ സൈറ്റ് ഒന്നു സന്ദര്ശിച്ചു വരാന് അധിക സമയം ഒന്നും വേണ്ടല്ലോ? അതും നല്ല പോസ്റ്റുകള് ആണെങ്കില് മാത്രം. അങ്ങിനെ ക്ലിക്കിയ ഞാന് ചെന്നു പെട്ടത് എത്രയോ ഗുണപ്രദമായ സൈറ്റുകളിലേയ്ക്ക് ആണെന്നറിയുമോ? ആ സൈറ്റുകളെ കുറിച്ച് പിറകേ എഴുതാം.
എന്തായാലും എനിയ്ക്കുള്ള പ്രതിഫലം നിങ്ങളുടെയൊക്കെ ഈ ഇടപെടലുകള് തന്നെ. നന്ദി.
ഹരി,
ഇപ്പോള് മാത്രമല്ലല്ലോ എല്ലായിപ്പോഴും ഞാന് ഇങ്ങിനെയൊക്കെ തന്നെയല്ലേ?
വിമര്ശനാത്മകമായിട്ടാണ് താങ്കള് ഈ പോസ്റ്റിനെ സമീപിച്ചതെങ്കിലും പോസ്റ്റിന്റെ മര്മ്മം താങ്കള് മനസ്സിലാക്കി എന്നത് കമന്റില് നിന്നും ഊഹിയ്ക്കാം. നാം വായിയ്ക്കുന്നൊരു ബ്ലോഗില് നമ്മുക്ക് പ്രയോജനപ്പെടുത്താന് കഴിയുന്നൊരു ഇന്ഫര്മേഷന് ലഭിയ്ക്കും എന്ന് തോന്നുന്നിടത്ത് ക്ലിക്കാം. അതു മതി.
നല്ല പോസ്റ്റുകള് വായിച്ചിട്ട് പരസ്യങ്ങളിലേയ്ക്കും ഒന്നു നോക്കുക. അവിടെ എവിടെയെങ്കിലും നമ്മുക്ക് ഗുണപ്രദമായ ഏതെങ്കിലും പരസ്യം കാണാതിരിയ്ക്കില്ല. ഗുണകരമായ ഒരു പരസ്യവും ഇല്ലാ എങ്കില് ക്ലിക്കുകയും വേണ്ട. ഹിറ്റു കൂടും എന്നു കരുതി ബ്ലോഗു പോലും സന്ദര്ശിയ്ക്കാന് മടിയ്ക്കുന്നവരും ബൂലോഗത്ത് ഉണ്ട് എന്നതും മറക്കണ്ട. അവിടെയാണ് ബ്ലോഗുകളിലെ പരസ്യങ്ങള് കൂടി സമയം ഉള്ളപ്പോള് ഒന്നു ശ്രദ്ധിയ്ക്കണം എന്നു ഞാന് പറഞ്ഞു വെച്ചത്.
ശ്രീഹരിയോടു പറഞ്ഞതു പോലെ തന്നെ താങ്കള് അടക്കം ഉള്ളവരുടെ ഇടപെടലാണ് ബ്ലോഗിങ്ങിലെ എന്റെ പ്രതിഫലം.
നന്ദി-ഇടപെടലുകള്ക്ക്.
സഞ്ജു,
ഈ ബ്ലോഗിന്റെ തൊലി രെജിസ്സേഡ് ആണ്. ബ്ലോഗിന്റെ തലക്കെട്ടില് അത് എഴുതിയിട്ടും ഉണ്ട്. അപ്പോ പിന്നെ ഇളുപ്പിന്റെ പ്രശ്നം ഉദിയ്ക്കുന്നില്ലല്ലോ?
നന്ദി.
പകലേ,
എന്താണ് ഉദ്ദേശിച്ചത് എന്ന് മനസ്സിലായില്ല. വ്യക്തമാക്കിയാല് നന്നായിരുന്നു.
നന്ദി.
മനസ്സേ,
താങ്കളുടെ പ്രൊഫൈല് ഐഡിയിലൂടെ താങ്കളുടെ ബ്ലോഗ് സന്ദര്ശിച്ചു. പക്ഷേ അവിടെ പരസ്യം ഒന്നും കണ്ടില്ല. ഗൂഗിളിന്റെ സേവന പരസ്യം കണ്ടു. താങ്കള് പറഞ്ഞതു കൊണ്ടു തന്നെ ഒന്നു ക്ലിക്കുകയും ചെയ്തു. പക്ഷേ ആ ക്ലിക്കുകൊണ്ടു താങ്കള്ക്ക് ഗുണമൊന്നും ഉണ്ടാകില്ല. കാരണം സേവന പരസ്യങ്ങള് സേവനം മാത്രമാണ്. പ്രതിഫലം ഉണ്ടാകില്ല.
എന്റെ പ്രതിഫലം എനിയ്ക്കു ലഭിച്ചു. താങ്കളുടെ ഇടപെടലും എനിയ്ക്ക് പ്രതിഫലം തന്നെ.
നന്ദി.
വഹാബ്,
ഇപ്പോഴും മലയാളം പരസ്യങ്ങള് ആഡ്സന്സ് സപ്പോര്ട്ട് ചെയ്യുന്നില്ല. ഇംഗ്ലീഷ് ആണ് തിരഞ്ഞെടുക്കുന്ന ഭാഷയെന്നു കള്ള സ്റ്റേറ്റുമെന്റ് കൊടുത്തിട്ട് അക്കൌണ്ട് ഓപ്പണാക്കി ആ കോഡ് മലയാളം ബ്ലോഗുകളില് പിടിപ്പിയ്ക്കുകയാണ് ഇപ്പോഴത്തെ ഒരു പ്രാക്ടീസ്.
അതും എത്തിക്സിനു വിരുദ്ധമല്ലേ? മലയാള ബ്ലോഗുകളിലെ ഒരു പരസ്യം പോലും ഗൂഗിള് അറിഞ്ഞു കൊണ്ടു തരുന്നതായിരിയ്ക്കില്ല. നാം തിരഞ്ഞെടുക്കുന്ന ഭാഷ മലയാളമാണെന്നു ഗൂഗിളിനെ അറിയിച്ചാല് “ഈ ഭാഷയില് ഗൂഗിള് ആഡ്സാന്സ് ലഭ്യമല്ല” എന്ന സന്ദേശമാണ് മൂന്ന് നാലു ദിവസങ്ങള്ക്ക് ശേഷം നമ്മുക്ക് ലഭിയ്ക്കുക.
അതായത് ആകെ മുഴുവന് ഗൂഗിളിനെ പറ്റിയ്ക്കല് തന്നെ. കൂട്ടത്തില് കൊള്ളാവുന്ന പരസ്യങ്ങളില് ഒന്നു ക്ലിക്കിയാല് ബ്ലോഗിന്റെ ഉടമയ്ക്ക് അതൊരു പ്രോത്സാഹനം ആകും എന്നു പറഞ്ഞ ഞാന് ബൂലോഗ തരികിടയും ആയി.
എന്തായാലും ഇടപെടലുകള്ക്ക് നന്ദി.
നചികേത്,
താങ്കാളുടെ സ്റ്റേറ്റുമെന്റില് തെറ്റുണ്ട്. ബ്ലോഗെഴുത്ത് അവരവരുടെ സംതൃപ്തിയ്ക്ക് വേണ്ടിയുള്ളത് ആണെങ്കിലും അതു വളരെയധികം ആള്ക്കാര് ആസ്വാദിയ്ക്കുന്നുണ്ട്. മാത്രമല്ല പ്രതിഫലേശ്ച മാത്രമേ ബ്ലോഗെഴുത്തില് ഇല്ലാതുള്ളു. അദ്ധ്വാനം ഇല്ലാ എന്നു പറയാന് കഴിയുമോ? ഒരു പോസ്റ്റെഴുതാന് എത്ര മണിയ്ക്കൂര് അദ്ധ്വാനം ഉണ്ടാകും.
വെറുതേ ഇരുന്ന് എങ്ങിനെ കാശുണ്ടാക്കാം എന്ന സന്ദേശമാണീ പോസ്റ്റ് നല്കുന്നത് എന്ന താങ്കളുടെ നിലപാട് ശരിയാണോ? വ്യക്തമായും ഞാന് എഴുതിയിട്ടില്ലേ നാം വായിയ്ക്കുന്ന നമ്മേ രസിപ്പിച്ച ഒരു പോസ്റ്റ് വായിച്ചിട്ട് ആ ബ്ലോഗിലെ പരസ്യങ്ങളില് ഒന്നില് ക്ലിക്കിയാല് അത് ആ ബ്ലോഗിന്റെ ഉടമയ്ക്ക് നാം ചേതമില്ലാത്ത ഒരു ഉപകാരം ആയിരിയ്ക്കും ചെയ്യുക എന്ന്. ഇവിടെ എല്ലാ ബ്ലോഗിലെ എല്ലാ പരസ്യങ്ങളിലും രാവിലെ മുതല് മാറിയും തിരിഞ്ഞും ക്ലിക്കി കളിയ്ക്കുക എന്ന സന്ദേശമാണോ ഞാന് നല്കിയത്? അല്ല എന്നാണ് ഞാന് കരുതുന്നത്.
രണ്ടാമത്തെ സ്റ്റേറ്റുമെന്റും തെറ്റാണ്. ഈ ബ്ലോഗില് സാമൂഹ്യ പ്രതിബദ്ധതയുള്ളത് എന്തെങ്കിലും ഇതുവരെ വന്നോ എന്ന് എനിയ്ക്ക് തന്നെ സംശയമാണ്. ഒരോ ദിവസവും തോന്നുന്ന വെളിപാടുകള് അങ്ങ് ചാമ്പുന്നു അത്ര തന്നെ.
വന്നതിനും അഭിപ്രായം പറഞ്ഞതിനും നന്ദി.
ശ്രീ അഞ്ചല്കാരന്,
വായനക്കാരന് പരസ്യങ്ങള് ഇഷ്ടപ്പെട്ടാല്, അവന് അവരുടെ ദൃഷ്ടിയില് പതിഞ്ഞാല്, ആ പരസ്യങ്ങള് അവര് വായിക്കുന്ന അല്ലെങ്കില് തിരയുന്ന വിഷയവുമായി ബന്ധമുള്ളതായാല് അതില് ക്ലിക്ക് ചെയ്യപ്പെടും.
ഒരു ക്ലിക്കേഴ്സ് ക്ലബ് ഉണ്ടാക്കാനോ അതിനെ പ്രോത്സാഹിപ്പിച്ചു എഴുതുന്നതോ ഗൂഗിള് ഇഷ്ടപ്പെടുന്നില്ല എന്നാണറിവ്.
ഗൂഗിള് പരസ്യങ്ങള് നല്കുന്നത് ചില ടെക്നിക് ഉപയോഗിച്ചാണ്. ഓരോ വെബ്പേജിലെയും കണ്ടന്റ് അവര് സ്കാന് ചെയ്യുന്നു. എന്നിട്ട് ആ പേജിലെ കീവേര്ഡ്കളുമായി മാച്ച് ചെയ്യുന്ന പരസ്യങ്ങള് ആണ് കാണിക്കുക.
ഉദാഹരണത്തിന്, ഈയുള്ളവന് airtel mobile എന്ന് സേര്ച്ച് ചെയ്തു എന്ന് വിചാരിക്കുക. അപ്പോള് ഗൂഗിള് ബന്ധപ്പെട്ട ചില പേജുകള് കാണിക്കുന്നു. അതിലെ ഒരു ലിങ്കില് ഈയുള്ളവന് ക്ലിക്ക് ചെയ്തു airtel mobile ആയി ബന്ധമുള്ള ആ ലേഖനം വായിക്കുന്നു. ആ പേജില് ഗൂഗിള് പരസ്യം ഉണ്ടെങ്കില്, അത് airtel ആയിട്ടോ mobile ആയിട്ടോ മറ്റോ എന്തെങ്കിലും ബന്ധമുള്ളവ ആയിരിക്കും. ഒരു വായനകാരന് അവന് സെര്ച്ച് ചെയ്യുന്ന വിഷയവുമായി ബന്ധമുള്ള പരസ്യമാണെങ്കില് ചിലപ്പോള് അവന് ക്ലിക്ക് ചെയ്യും, ഒന്നോ രണ്ടോ രൂപ നമ്മുടെ പോക്കറ്റില് വീഴുകയും ചെയ്യും!
സാധാരണനിരക്കില് 100-200 പ്രാവശ്യം ഒരു പേജ് കാണിക്കുമ്പോള് മാത്രമാണ് ഒരു പരസ്യം ക്ലിക്ക് ചെയ്യാനുള്ള സാധ്യത!
ഗൂഗിളിന്റെ ആ കീ വേര്ഡ് സ്കാനിംഗ് ടെക്നോളജി ഇപ്പോള് മലയാളഭാഷയില് ഇല്ല. അതിനാല് ആണ് അവര് തല്ക്കാലം മലയാളം സപ്പോര്ട്ട് ചെയ്യാത്തത്. സപ്പോര്ട്ട് ചെയ്യുന്നതുവരെ നാം ചെയ്യുന്ന പരസ്യം ഒക്കെ unethical തന്നെയാണ്. തല്ക്കാലം കാത്തിരിപ്പിന്റെ സുഖം അനുഭവിക്കുക, അത്രതന്നെ!
വെറുതെ ഒരു സമയംകൊല്ലിയായോ പുതിയ വെബ്സൈറ്റുകള് കണ്ടുപിടിക്കാനുള്ള ഒരു മാര്ഗ്ഗമായോ അല്ല ഗൂഗിള് പരസ്യങ്ങള് ആവിഷ്കരിച്ചിരിക്കുന്നത് എന്ന് സാരം. അതെ, അങ്ങനെയും ഉപയോഗിക്കാമെങ്കിലും. പിന്നെ, ഒരു വെബ്പേജിന് സാധാരണ നിരക്കില് കൂടുതല് ക്ലിക്ക് കിട്ടിയാല് ഗൂഗിള് സോഫ്റ്റ്വെയര് അത് automatically കണ്ടുപിടിച്ചു പുറത്താക്കും. So be careful! ജാഗ്രതൈ! സ്വര്ണ്ണതാറാവിനെ കൊല്ലരുതേ!
മലയാളം സൈറ്റുകളില് ഗൂഗിള് ആഡ്സെന്സ് സപ്പോര്ട്ട് ചെയ്യുന്നില്ല എന്നതു നേര്. പക്ഷെ, ആവശ്യത്തിന് ഇംഗ്ലീഷ് കണ്ടന്റ് ഉള്പ്പെടുത്തിയ മലയാളം സൈറ്റുകള് അവര് അപ്രൂവ് ചെയ്യാറുണ്ട്. ഒരു പ്രാവശ്യം അപ്രൂവ് ചെയ്ത്, അക്കൌണ്ട് തുറന്നാല് പിന്നെ നമുക്കിഷ്ടമുള്ളത്രയും പരസ്യ യൂണിറ്റുകള് നിര്മ്മിക്കുവാന് സാധിക്കും.
1. ഒരു ഇംഗ്ലീഷ് ബ്ലോഗ് / വെബ്സൈറ്റ് അപ്രൂവ് ചെയ്യുവാനായി അയയ്ക്കുക. (മലയാളം ബ്ലോഗ് ആവശ്യത്തിന് ഇംഗ്ലീഷ് കണ്ടന്റില്ലാതെ, ഇംഗ്ലീഷാണ് ഭാഷ എന്നു പറഞ്ഞ് കൊടുത്താലും അപ്രൂവല് കിട്ടണമെന്നില്ല.)
2. അവര് അപ്രൂവ് ചെയ്തെങ്കില് ആഡ് യൂണിറ്റുകളുണ്ടാക്കി, അവ മറ്റ് ബ്ലോഗുകളിലും ഉപയോഗിക്കുക.
3. അവര് അപ്രൂവ് ചെയ്ത സൈറ്റില് മാത്രമേ ഒരു ആഡ് യൂണിറ്റ് ഉപയോഗിക്കുവാന് പാടുള്ളൂ എന്നവര് പറയുന്നില്ല; മാത്രവുമല്ല അത് മറ്റ് വെബ്സൈറ്റുകളില് ഉപയോഗിക്കുവാന് അപ്രൂവലിന്റെ ആവശ്യമില്ല എന്ന് പ്രത്യേകം പറയുന്നുമുണ്ട്. അതിനാല് അങ്ങിനെ ചെയ്യുന്നത് അണ്എത്തിക്കലല്ല.
4. പക്ഷെ, ആഡ് ഡിസ്പ്ലേ ചെയ്യുന്ന പേജിന്റെ ഇംഗ്ലീഷ് (അല്ലെങ്കില് ഗൂഗിള് ആഡ്സെന്സ് എഞ്ചിനു മനസിലാവുന്ന മറ്റ് ഭാഷകള്) കണ്ടന്റിന് അനുസൃതമായാവും ആ പേജില് ആഡുകള് കാണിക്കുക. മനസിലാക്കാവുന്ന ഭാഷകളുടെ ലഭ്യത ആ പേജില് വളരെ കുറവാണെങ്കില്, പൊതുസേവന പരസ്യങ്ങളാവും ഗൂഗിള് കാണിക്കുക. മലയാളം മനസിലാവാത്തതിനാല്, മിക്കപ്പോഴും മലയാളം ബ്ലോഗുകളില് പൊതുസേവന പരസ്യങ്ങള് തന്നെയാവും കാണുക.
പ്രയോജനപ്രദമായ ഒരു പരസ്യം, അതില് ക്ലിക്കിയാല് ബ്ലോഗുടമയ്ക്ക് വല്ലതും ലഭിച്ചാലോ എന്നു കരുതി ക്ലിക്കാതെ അഡ്രസെടുത്ത് ടൈപ്പ് ചെയ്ത് ആ സൈറ്റിലെത്തുന്നത് - അങ്ങിനെ മനഃപൂര്വ്വം ചെയ്യേണ്ട കാര്യവുമില്ല. മറുപടി കമന്റിലെ ഈ പ്രസക്തമായ ആശയം പോസ്റ്റില് വന്നില്ല. സഹായിക്കൂ, ക്ലിക്ക് ചെയ്യൂ എന്ന ധ്വനിയാണ് പോസ്റ്റില്.
--
ശ്രേയസ്,
നമ്മുക്ക് ഗൂഗിള് പരസ്യങ്ങളില് അല്ലെങ്കില് ബ്ലോഗുകളിലെ മറ്റേതെങ്കിലും പരസ്യങ്ങളില് ക്ലിക്കുന്നൊരു ക്ലബ്ബ് വേണമെന്നോ അല്ലെങ്കില് പരസ്പരം ക്ലിക്കി ഗൂഗിളിനെ പറ്റിയ്ക്കണമെന്നോ അല്ല ഞാന് ഈ പോസ്റ്റിലൂടെ പറയുന്നത്. ബ്ലോഗ് എഴുതുന്നത് തികച്ചും പ്രതിഫലേശ്ച കൂടാതെയാണെന്നുള്ളത് വസ്തുതയാണല്ലോ. അതങ്ങിനെ തന്നെ ആവുകയും വേണം. ഇഷ്ടമുള്ള സഭ്യമായതെന്തും എഴുതിയിടാനുള്ള സ്വാതന്ത്ര്യം തന്നെയാണ് ബ്ലോഗര് നല്കുന്നതും.
ഇവിടെ നല്ലൊരു പോസ്റ്റ് വായിച്ചാല് അതിന്റെ ഉടമയ്ക്ക് ഒരു പ്രോത്സാഹനം എന്ന നിലയില് അദ്ദേഹത്തിന്റെ അദ്ധ്വാനത്തിനു നമ്മുക്ക് നഷ്ടപ്പെടാനൊന്നും ഇല്ലാത്ത ഒരു പ്രതിഫലം നല്കുന്നതു തെറ്റാകുന്നില്ലല്ലോ? പോസ്റ്റ് വായിച്ചതിനു ശേഷം പോസ്റ്റ് ഇഷ്ടപ്പെട്ടു എങ്കില് - ഇഷ്ടപ്പെട്ടു എങ്കില് മാത്രം -ആ ബ്ലോഗിലെ പരസ്യങ്ങളിലും കൂടി ഒന്നു കണ്ണോടിയ്ക്കുക. എന്നിട്ട് നമ്മുക്ക് ഗുണപ്രദമാകും എന്നു തോന്നുന്ന ഏതെങ്കിലും പരസ്യം ഉണ്ട് എങ്കില് അവിടെ ഒന്നു സന്ദര്ശിയ്ക്കുക. ബ്ലോഗിന്റെ ഉടമയ്ക്ക് അദ്ദേഹത്തിന്റെ അദ്ധ്വാനത്തിനു നമ്മള് അങ്ങിനെ ചെറിയൊരു പ്രതിഫലം നല്കുകയും ആകും, പുതിയൊരു സൈറ്റ് നമ്മള് പരിചയപ്പെടുകയും ആകും.
അതായത് ഒന്നു കൂടി വ്യക്തമാക്കാം. പോസ്റ്റ് വായിച്ചിട്ട് കണ്ണില്പ്പെടുന്ന പരസ്യത്തില് വേണ്ടവര് ക്ലിക്കും എന്നതില് നിന്നും ചെറിയൊരു വ്യത്യാസം. ക്ലിക്കാന് കഴിയുന്ന പരസ്യങ്ങള് വല്ലതും ബ്ലോഗില് ഉണ്ടോ എന്നൊന്നു നോക്കാന് അരനിമിഷം ചിലവിടുക. (പോസ്റ്റ് രസിപ്പിച്ചു എങ്കില് മാത്രം). നമ്മുക്ക് സന്ദര്ശിയ്ക്കാന് തക്ക ഗുണമുള്ള പരസ്യം ഒന്നുമില്ലാ എങ്കില് ക്ലിക്കുകയും വേണ്ട. പക്ഷേ ഒന്നും ശ്രമിയ്ക്കാം.
നന്ദി.
ഹരീ,
ശരിയാണ് താങ്കളുടെ നിഗമനം. “ഒന്നു ക്ലിക്കി സഹായിയ്ക്കൂ” എന്നൊരു ധ്വനി ഈ പോസ്റ്റില് വരുന്നുണ്ട്. പോസ്റ്റ് എഡിറ്റു ചെയ്യുന്നുണ്ട്.
വികലമായ ആ ആശയം പോസ്റ്റില് കടന്നു കൂടിയതിനു ക്ഷമാപണം. തെറ്റു ചൂണ്ടികാട്ടിയതിനും നന്ദിയും.
ഹരീ,
പോസ്റ്റ് എഡിറ്റ് ചെയ്തിട്ടുണ്ട്. ഈ വിഷയം കുറച്ചു കൂടി വിശാലമായി ചര്ച്ച ചെയ്യപ്പെടണം എന്ന് ആഗ്രഹമുണ്ട്. തെറ്റുകളോ എത്തിക്സിനു വിരുദ്ധമായതോ ആയ സംഗതികള് പോസ്റ്റില് കടന്നു കൂടിയിട്ടുണ്ട് എങ്കില് ചൂണ്ടികാണിയ്ക്കണം എന്ന് അപേക്ഷിയ്ക്കുന്നു.
ഒന്നു കൂടി:
പോസ്റ്റിന്റെ ലക്ഷ്യം ഗൂഗിളിനെ പറ്റിയ്ക്കല് അല്ല. ക്ലിക്കു കോക്കസുകള് ഉണ്ടാക്കുകയും അല്ല. രാവിലെ എഴുന്നേറ്റ് പരിചയമുള്ള ബ്ലോഗുകളിലെ പരസ്യങ്ങളില് ചറപറാ ക്ലിക്കുക എന്ന നിര്ദ്ദേശവുമല്ല.
നാം വായിച്ച പോസ്റ്റ് നമ്മുക്ക് ഇഷ്ടപ്പെട്ടെങ്കില് ആ ബ്ലോഗിലെ പരസ്യങ്ങളില് നമ്മുക്ക് ഗുണപ്രദമാകുന്ന ലിങ്ക് ഏതെങ്കിലും ഉണ്ടോ എന്ന് ഒരു നിമിഷം ഒന്നു ശ്രദ്ധിയ്ക്കുക. ഉണ്ട് എങ്കില് അവിടെ ഒന്നു ക്ലിക്കുക. നമ്മേ രസിപ്പിച്ച ബ്ലോഗര്ക്ക് ചെറുതെങ്കിലും ഒരു പ്രതിഫലം ലഭിയ്ക്കകയും ചെയ്യും നമ്മുക്ക് പുതിയൊരു സൈറ്റ് കൂടി സന്ദര്ശിയ്ക്കുകയും ചെയ്യാം. അതായത് ബ്ലോഗിലെ പരസ്യങ്ങളെ കൂടി പരിഗണിയ്ക്കുക-പോസ്റ്റ് ഇഷ്ടപ്പെട്ടെങ്കില് മാത്രം.
പ്രിയ അഞ്ചൽകാരൻ,
താങ്കൾ ‘അഞ്ചൽ’ കാരൻ ആയതുകൊണ്ടാണോ അതോ പ്രവർത്തി സൂചിപ്പിക്കും പോലെ ആരുടെയോ അഞ്ചലുകൾ എത്തിച്ചുകൊടുക്കുന്നവൻ എന്ന അർത്ഥത്തിലാണോ മേൽ തലകെട്ട് വന്നതെന്നറിയില്ല. ഏതായാലും രണ്ടാമത്തേത് വളരെ ശരിയെന്ന് താങ്കളുടെ ഈ പോസ്റ്റ് വെളിപ്പെടുത്തുന്നു. ഇങ്ങനെ ചേതമില്ലാതെ കിട്ടിക്കോട്ടെയെന്നു കരുതുന്ന പ്രവർത്തി താങ്കൾക്കു ചെയ്യാം അതിൽ ആർക്കും ഒരു പരാതിയും പറയാൻ കഴിയുകയില്ല. എന്നാൽ ഉപദേശം അത് കുറച്ചു കടന്ന കൈയായിപ്പോയി. ഇന്നത്തെ ലോകത്ത് ഇത്തരത്തിൽ കൈ നനയാതെ എടുക്കാവുന്ന നത്തയ്ക്കാകൾ ധാരാളമുണ്ട്. സൈബർ ലോകത്തിന്റെ സാധ്യതകളെയും സാങ്കേതികതയേയും നന്നായി അറിഞ്ഞവരും അതിൽ പണിയെടുക്കുന്നവരുമാണു ബ്ലോഗു മേഖലയിൽ അധികവുമെന്നു അങ്ങ് ഓർമ്മിക്കണമായിരുന്നു. എന്നിട്ടും മലയാളി ബ്ലോഗർമാരധികവും ഇതിൽനിന്നു അകന്നു നിന്നു. അത് അവന്റെ ശരീരവും മനസ്സും ഒരു കച്ചവടക്കാരനു ബോർഡുവയ്ക്കാൻ വാടകയ്ക്ക് കൊടുക്കാൻ മനസ്സില്ലാത്തതുകൊണ്ടാണു.
സാമൂഹിക ബോധത്തിൽ നിന്നല്ല വെളിപാടുകളിൽ നിന്നാണു അങ്ങ് മൊഴിയുന്നതെന്നു പറയുന്നത് ശരി. ആധുനികതയുടെ കാലം മുതലേ നമ്മളിതു കേട്ടതാണു. വെളിപാടു പറയുന്ന പാസ്റ്റർമാർക്കു തിരികെ പോകുമ്പോൾ ഒരു പൊതികൂടെ കൊടുക്കുന്ന ഏർപ്പാട് ഞങ്ങൾ പ്രവാസി മലയാളികളുടെ ഇടയിലുണ്ട്. അതിനു തുല്ല്യം ഈ ക്ലിക്ക്കൾ ഉപയോഗിക്കണമെന്നാണോ? അമ്മ കുഞ്ഞിനെയൊ, കാമുകൻ കാമുകിയെയൊ, ഭാര്യ ഭർത്താവിനെയൊ അല്ലങ്കിൽ തിരിച്ചോ ഉമ്മവയ്ക്കുമ്പോഴുണ്ടാകുന്ന ചലനത്തിൽ നിന്നു വൈദ്യുതി ഉല്പാദിപ്പിക്കാമെന്നു യൂറോപ്പിൽ ഒരു കണ്ടുപിടുത്തമുണ്ടായിട്ടുണ്ട്. ചേതമില്ലാത്തതല്ലേ ഒന്നു പരീക്ഷിക്കവുന്നതാണു. അങ്ങയുടെ പ്രൊഫൈലിൽ എഴുതിരിക്കുന്ന ‘ പരാജയം പണം കൊടുത്ത് വാങ്ങുന്നവൻ’ എന്ന കമന്റ് ഇനി തിരുത്തിയെഴുതാവുന്നതാണ്. നമസ്കാരം
അനില് സാറേ,
എന്തിനാ ഇങ്ങിനെ മസ്സില് പിടിയ്ക്കുന്നേ?
കൊല്ലം ജില്ലയിലെ അഞ്ചല് സ്വദേശിയായതു കൊണ്ടും ഇതുപോലെ പോസ്റ്റുകളുമായി നിരങ്ങുന്നതും കൊണ്ടും തന്നെയാണു ബ്ലോഗിനു അഞ്ചല് എന്നു പേരിട്ടത്.
ഇന്നി വരുന്നത് താങ്കളുടെ വരികള്:
ഇന്നത്തെ ലോകത്ത് ഇത്തരത്തിൽ കൈ നനയാതെ എടുക്കാവുന്ന നത്തയ്ക്കാകൾ ധാരാളമുണ്ട്. സൈബർ ലോകത്തിന്റെ സാധ്യതകളെയും സാങ്കേതികതയേയും നന്നായി അറിഞ്ഞവരും അതിൽ പണിയെടുക്കുന്നവരുമാണു ബ്ലോഗു മേഖലയിൽ അധികവുമെന്നു അങ്ങ് ഓർമ്മിക്കണമായിരുന്നു. എന്നിട്ടും മലയാളി ബ്ലോഗർമാരധികവും ഇതിൽനിന്നു അകന്നു നിന്നു. അത് അവന്റെ ശരീരവും മനസ്സും ഒരു കച്ചവടക്കാരനു ബോർഡുവയ്ക്കാൻ വാടകയ്ക്ക് കൊടുക്കാൻ മനസ്സില്ലാത്തതുകൊണ്ടാണു.
സര്,
കൈനനയാതെ നത്തയ്ക്ക പിടിയ്ക്കണം എന്നല്ല പറഞ്ഞത്. ഒരാള് എഴുതിയിടുന്നൊരു നല്ല പോസ്റ്റ് അത് വായിച്ചു മറ്റൊരാള് രസിച്ചിട്ടുണ്ട് എങ്കില് അതിനു പണം കൊടുക്കണം എന്നുമല്ല പറഞ്ഞത്. അയാളുടെ ബ്ലോഗില് അയാള് പരസ്യങ്ങള് പ്രദര്ശിപ്പിച്ചിട്ടുണ്ട് എങ്കില് തിരിച്ച് പോരും മുന്നേ ആ പരസ്യങ്ങളില് ഒന്ന് ഓടിച്ചു നോക്കി നമ്മുക്ക് ഗുണപ്പെടുന്നൊരു ലിങ്ക് കണ്ടാല് ആ ലിങ്കില് ഒന്നു ക്ലിക്കുന്നതില് ഏതു സാമൂഹ്യ സദാചാരത്തിന്റെ ഉടുതുണിയാണ് അഴിഞ്ഞു വീഴുന്നത്. അതും പരസ്യങ്ങള് പ്രദര്ശിപ്പിച്ചിട്ടുണ്ട് എങ്കില് മാത്രം. ഒരാള് പരസ്യം പ്രദര്ശിപ്പിച്ചിട്ടുണ്ട് അതിനര്ത്ഥം ആ പരസ്യത്തില് നിന്നും അയാള് വരുമാനം പ്രതീക്ഷിയ്ക്കുന്നു എന്നു തന്നെയല്ലേ? വീണ്ടും പറയുന്നു: വായിച്ചൊരു പോസ്റ്റ് നമ്മുക്ക് ആസ്വാദിയ്ക്കാന് കഴിഞ്ഞു എങ്കില് മാത്രം പോസ്റ്റ് വായിച്ചിട്ട് അരനിമിഷം അതില് പരസ്യങ്ങള് ഉണ്ടെങ്കില് ഒന്നു ഓടിച്ചു നോക്കുക. നമ്മുക്ക് വേണമെന്നു തോന്നുന്ന ഏതെങ്കിലും പരസ്യം ഉണ്ടെങ്കില് അവിടെയൊന്നു ക്ലിക്കുക. ഒരാള് എഴുതിയിടുന്നൊരു പോസ്റ്റിന്റെ അദ്ധ്വാനം കുറച്ചു കാണരുത്. അയാളുടെ പോസ്റ്റിനെ അയാള് വില്പനയ്ക്ക് വെച്ചു എന്നും വിപക്ഷിയ്ക്കേണ്ട.
താങ്കള് പറഞ്ഞിരിയ്ക്കുന്നതു പോലെ തന്റെ ശരീരവും മനസ്സും കച്ചവടക്കാരന്റെ ബോര്ഡ് വെയ്ക്കാന് താല്പര്യമില്ലാത്തവര്ക്ക് വേണ്ടിയല്ല ഈ പോസ്റ്റ്. തന്റെ ബ്ലോഗില് പരസ്യങ്ങള് പ്രതിഷ്ടിച്ചിട്ടുള്ളവര്ക്ക് വേണ്ടിയാണ്. പരസ്യങ്ങള് ഇല്ലാ എങ്കില് ക്ലിക്കിന്റെ പ്രശ്നവും ഇല്ലല്ലോ?
എന്തായാലും താങ്കളുടെ ഇടപെടലിനു നന്ദി.
അപ്പോള് അഞ്ചല് മാഷേ..
(നമ്മള് പരിചയക്കാര് ആണല്ലോ. അപ്പോള് മാഷേയെന്നു വിളിക്കട്ടെ)
ഇതു കാക്കയ്ക്ക് വയറും നിറയും പശുവിന്റെ കടിയും പോകും എന്ന് പറയുന്നതുപോലെ പരസ്പരം പുറം ചൊറിയുന്ന പണിയല്ലേ.. അല്ല
ചിക്കിലി ഒത്താല് കൊള്ളാം കേട്ടോ.
പിന്നെ ഞാന് ഊതാന് വന്നതല്ല കേട്ടോ..ഊതുന്ന ശീലം ഇല്ല.
പിന്നെ തലേക്കെട്ടില് ഞാന് കാര്യമാക്കാറില്ല ..ആഞ്ചലോ, ആയൂരോ, വാളകമോ അഗസ്തികൊടോ ആവട്ടെ..
എന്തെഴുതുന്നു എന്നെ ഞാന് നോക്കാറുള്ളൂ.
അപ്പോള് ശരി.. കാണാം
ടി.വി. തുറന്നാല് പരസ്യത്തോട് പരസ്യം. പത്രവാരികകളിലും വെബ് സൈറ്റുകളിലും പരസ്യങ്ങള് നിറഞ്ഞുനില്ക്കുന്നു. പരസ്യങ്ങളുടെ അതിപ്രസരം കൊണ്ട് പൊറുതിമുട്ടിയിരിക്കുമ്പോഴാണ് ഇനി ബ്ലോഗിലുള്ള പരസ്യങ്ങളിലും ക്ലിക്കണമെന്നുള്ള അഞ്ചലിന്റ്റെ അഭിപ്രായം. വായിക്കാന് പോലും സമയം ഇല്ലാത്തപ്പോള് ഇനി പരസ്യത്തിലും ക്ലിക്കണമെന്നുള്ള അഭിപ്രായത്തോട് പൂര്ണ്ണയോജിപ്പില്ല്. ഏതെങ്കിലും വിഷയത്തെക്കുറിച്ച് അറിയണമെന്നുള്ളവര് അത് സെര്ച്ച് ചെയ്യുകയോ, പരസ്യത്തില് ക്ലിക്കുകയോ ചെയ്യട്ടേ. അല്ലാത്തവര് എന്തിനു ഇതിലെല്ലാം ക്ലിക്കി സമയം കളയണം.
പോസ്റ്റിന്റെ സദുദ്ദേശത്തെ മാനിയ്ക്കുന്നു.
ഐഡിയ നല്ലതു തന്നെ. എങ്കിലും ബ്ലോഗ്/ പോസ്റ്റ് ആരുടേതാണെന്ന് നോക്കാതെ നമുക്ക് ഉപകാരപ്പെടുമെന്ന് തോന്നുന്ന പരസ്യങ്ങളില് ക്ലിക്ക് ചെയ്യുന്നതില് തെറ്റില്ല.
ഹരീ പറഞ്ഞതിലും കാര്യമുണ്ടെന്ന് തോന്നുന്നു
ഈയുള്ളവനും ഒരു നിര്ദ്ദേശം എല്ലാവരുടെയും പരിഗണനയ്ക്ക് സമര്പ്പിക്കട്ടെ?
നാമെല്ലാവരും ഗൂഗിളിന്റെ സേവനം ആണല്ലോ ജിമെയില് രൂപത്തിലും ബ്ലോഗ്ഗര്.കോം രൂപത്തിലും ഒക്കെ കൂടുതല് ഉപയോഗിക്കുന്നത്. അപ്പോള് ഈ ഗൂഗിളിനെ ഇനി ബാധിക്കാന് സാദ്ധ്യതയുള്ള സാമ്പത്തികമാന്ദ്യത്തില് നിന്നും രക്ഷിക്കാന് നമുക്കും കൂട്ടായി എന്തെങ്കിലും ചെയ്തുകൂടെ?
ജിമെയിലിന്റെ വലതുവശത്ത് ധാരാളം പരസ്യങ്ങള് ഉണ്ട്. ഓരോ ഇമെയില് വായിച്ച ശേഷവും നമുക്ക് ആ പരസ്യങ്ങളില്കൂടി ഒന്നു കണ്ണോടിച്ചിട്ട് നമുക്കിഷ്ടപ്പെട്ട പരസ്യത്തില് ക്ലിക്ക് ചെയ്താല് ഗൂഗിളും രക്ഷപ്പെടും, ആല്ലേ? ഗൂഗിളിന്റെ ബ്ലോഗ്ഗര്.കോം എന്ന ചുവരുണ്ടെങ്കില് അല്ലേ നമുക്ക് ചിത്രമെഴുതാനും പരസ്യപ്പണം ഉണ്ടാക്കാനും പറ്റൂ?
എങ്ങനെയുണ്ട് ഐഡിയ? ഈയുള്ളവനെ ഓടിച്ചിട്ടു തല്ലല്ലേ! :-)
വായിച്ചു.
അഞ്ചൽ അവതരിപ്പിക്കാൻ ഉദ്ദേശിച്ച വിഷയം അല്പം സങ്കീർണ്ണമായ ഒന്നാണു്. ഒന്നിലധികം വിഷയങ്ങൾ ഇതിൽ കുഴഞ്ഞുമറിഞ്ഞു കിടപ്പുണ്ടു്.
1) എഴുത്തുകാരന്റെ ഉടമസ്താവകാശം.
2)മറ്റുള്ളവന്റെ സൃഷ്ടികളോടുള്ള ബഹുമാനം. (ബഹുമാനം എന്നു ഉദ്ദേശിക്കുന്നതു്, കൈതൊഴാനല്ല. അവൻ ഉണ്ടാക്കുന്ന കോപ്പൊന്നും അടിച്ചു മാറ്റാതിരിക്കുക എന്നർത്ഥം!).
ആദ്യം മനസിലാക്കേണ്ടതു് "Nothing Is Free" എന്നാണു്. എഴുത്തുകാരൻ കഥയും, ആശയങ്ങളും, ചിത്രങ്ങളും, കവിതയും ബ്ലോഗിലൂടെ പ്രസിദ്ധീകരിക്കാൻ സമയവും പണവും ചിലവാക്കുന്നുണ്ടു. അതിനു് ചെറിയ രീതിയിൽ എങ്കിലും ഒരു നന്ദി പ്രകടനം എന്ന രിതിയിൽ പരസ്യങ്ങളിൽ click ചെയ്യുന്നതിൽ തെറ്റുണ്ടെന്നു തോന്നുന്നില്ല.
തീർശ്ചയായും ബ്ലോഗ് എഴുതുന്നതിനു് ഒരു residual revenue stream ഉണ്ടാകണം. അതു പരസ്യത്തിൽ കൂടിയാണെങ്കിൽ അതിൽ യാതൊരു തെറ്റുമില്ല. പരസ്യത്തിൽ click ചെയ്യില്ല എന്നു എല്ലാവരും വാശിപിടിച്ചാൽ പിന്ന അധിക കാലം ഈ 'സൌജന്യ' മദ്ധ്യമം തുടരും എന്നു് തോന്നുന്നില്ല. കാരണം അതിലൂടിയാണു് Google നിലനില്കുന്നതു്.
വല്ലവനും സമയം കളഞ്ഞു എഴുതുന്നതു് ഓസിനു വന്നു നക്കിയിട്ടു് പോകുന്ന ഏർപ്പാടു് ചിലർക്കുള്ളതുകൊണ്ടാണു് അവർക്ക് ഇത അങ്ങോട്ടു് മനസിലാകാത്തതു്. ഈ ഓസ്സുന്നതിന്റെ മറ്റൊരു മുഖമാണല്ലോ content മോഷണവും, piracyയും. Intellectual propertyക്ക് മൂല്യം നിർണയിക്കുന്നതു് അതു് സൃഷ്ടിക്കുന്ന ആൾ തന്നെയാണു്. ആരെങ്കിലും അതു് സൌജന്യമായി നൾഗുന്നുണ്ടെങ്കിൽ അതു അവർ തരുന്ന ഔദാര്യമാണു്. അതിനു് പ്രതിഫലം ചോദിക്കുന്നുണ്ടെങ്കിൽ അതിൽ യാതോരു തെറ്റുമില്ല. അതു് google ആയാലും, googleന്റെ സേവനം ഉപയോഗിച്ചു് ബ്ലോഗ് എഴുതുന്ന മല്ലു ആയാലും.
മറ്റൊന്നുള്ളതു്.
Content Creation > User Base Development > Revenue Generation > Content Creation.. [ad nauseum] എന്ന Fundamental Web-based Business Model ആണു ആദ്യം മനസിലാക്കേണ്ടതു്. ഈ cyclic-sequenceന്റെ ഒരു ഘട്ടമാണു് Revenue Generation. ഇന്നുവരെ വിജയിച്ചിട്ടുള്ള എല്ലാ on-line service based കച്ചവട സ്ഥാപനങ്ങളും ഇതു തന്നെയാണു് ചെയ്തിട്ടുള്ളതു്. അപ്പോൾ കൂടുതൽ Content ഉണ്ടാകുമ്പോൾ കൂടുതൽ വായനക്കാരും എഴുത്തുകാരും ഈ മാദ്ധ്യമത്തിലേക്കു് കടന്നു വരുന്നു. അതിലൂടെ ബ്ലോഗ് എഴുത്തുകാരും സ്ഥാപനം നടത്തിപ്പുകാരും പണം സമ്പാദിക്കുന്നു.
മല്ലൂസ് മനസിലാക്കേണ്ട ഒന്നുണ്ടു്. ഇന്നു മലയാളത്തിൽ ബ്ലോഗ് എഴുതാൻ സൌകര്യം തരുന്നതു് Google ആണു്. അതു മലയാളം ബ്ലോഗിനെ സമ്പദിച്ചിടത്തോളം സൌജന്യമായിരിക്കാം. എന്നാൽ അവരുടെ മറ്റു serviceകളിൽ പരസ്യങ്ങൾ പ്രദർശിപ്പിക്കുന്നതു കൊണ്ടാണു് മലയാളത്തിനെ ഈ വിധത്തിൽ subsidise ചെയ്യാൻ കഴിയുന്നതു്. Google അനേകം ഭാഷകളിൽ, നിരവധി serviceകളിലായി പണം ഉണ്ടാക്കുന്നതുകൊണ്ടാണു് ഇന്നു ലോകത്തുള്ള ഏറ്റവും മികച്ച online business ആയി വാഴുന്നതു്. അല്ലാതെ google മലയാളികൾ തോട്ടിൽ ചാടിയ കഥയും, മൂവാണ്ടൻ മാവിന്റെ ചോട്ടിൽ നാലാണ്ടൻ ചേട്ടന്റെ തലയിൽ പേൻ നോക്കിയ കഥയും, നാട്ടിലുള്ള കിളികളുടെ പോട്ടങ്ങൾ എടുക്കുന്ന വട്ടന്റെ കോപ്രായം കണ്ടിട്ടൊന്നുമല്ല.
O.T.
മറ്റു ചില പരമ്പരകൾ പ്രസിദ്ധീകരിച്ച ശേഷം ഇതേകുറിച്ചു വിശതമായ ഒരു പഠനം സ്വന്തം ബ്ലോഗിൽ തയ്യാറക്കുന്നതായിരിക്കും.
ഞാനും അന്വേഷിക്കുകയായിരുന്നു. ഗൂഗിളിന്റെ മച്ചമ്പിയെ ഇന്ന് കണ്ടു. മിടുക്കൻ.ആരും ഒന്നും ഓസിനു തരുന്നില്ല. നക്കുന്നുമില്ല. ചിലർക്കു പണ്ടേ അത് കൈമണിയോ കൈപ്പള്ളിയോ ഒക്കെയാണു. അങ്ങനെയും ഒരു ജന്മം
പ്രിയപ്പെട്ട അനില് വേങ്കോട്,
ഒരു ചര്ച്ചയില് പങ്കെടുക്കുന്ന എല്ലാവരുടെയും അഭിപ്രായം ഒരുപോലെ ആയിരിയ്ക്കണം എന്ന് വാശി പിടിയ്ക്കുന്നത് തെറ്റല്ലേ. താങ്കള് മുകളില് എഴുതിയ കമന്റ് താങ്കള്ക്കു ഏതെങ്കിലും തരത്തില് സംതൃപ്തി നല്കുന്നുണ്ടോ? കാര്യങ്ങളെ പോസിറ്റീവ് ആയി കാണാന് ശ്രമിയ്ക്കൂ ചങ്ങാതി.
എല്ലാവരും ഈ പോസ്റ്റു വായിച്ചിട്ട് ഇന്നു മുതല് പരസ്യങ്ങളില് ക്ലിക്കി കൊണ്ടിരിയ്ക്കണം എന്നല്ല ഈ പോസ്റ്റ് പറയുന്നതു എന്ന് താങ്കള് തിരിച്ചറിയുമല്ലോ? ഒരാളുടെ അഭിപ്രായത്തോട് താങ്കള്ക്ക് എതിര്പ്പ് ഉണ്ടെങ്കില് അത് സഹിഷ്ണുതയോടെ പ്രകടിപ്പിയ്ക്കാമല്ലോ?
നന്ദി.
പ്രിയപ്പെട്ട അഞ്ചല്ക്കാരന്
വളരെ സഹിഷ്ണൂതയോടെ മുകളില് നിരവധി പേര് അഭിപ്രായം അറിയിച്ചിരുന്നു, അതിനെയെല്ലാം താങ്കള് പുച് ഛിയ്കുന്ന ഒരു സമീപനത്തോടെ മറുപടി പറഞ്ഞ താങ്കള് പോസ്റ്റില് പറഞ്ഞ പല കാര്യങ്ങളിലും കമന്റില് ഉരുണ്ടു കളിയ്കുന്നതു കാണാമായിരുന്നു.യഥാര്ത്ഥ ഗുണഭോക്താവിനു അധിക ബാധ്യതയുണ്ടാക്കുന്ന കമ്പനികളുടെ പരസ്യചിലവുകള് വര്ദ്ധിയ്കുന്നതരത്തിലുള്ള ഇതു പോലെയുള്ള തീര്ത്തും സാമൂഹ്യവിരുദ്ധമായ ഒരു പോസ്റ്റ ഇവിടെ സ്ഥിരം സന്ദര്ശകനായ എനിയ്കു കാണാന് കഴിഞ്ഞതില് നിരാശയുണ്ട്.(സാമൂഹ്യപ്രതിബദ്ധതയില്ലാത്ത പോസ്റ്റുകളാണ് താങ്കള് ചെയ്യുന്നതെന്ന് താങ്കളുടെ ഒരു അഭിപ്രായത്തിനു ഇതിലെ തുടര് വായനക്കാര് തന്നെ മറുപടി നല്കട്ടെ.)
സ്നേഹപൂർവ്വം അഞ്ചൽ കാരനു.
താങ്കൾ ഇപ്പോൾ ഏകദേശം കാര്യങ്ങളിലേക്കു വരുന്നു എന്നതിൽ സന്തോഷമുണ്ട്. ഞാൻ ഈ പോസ്റ്റ് ആദ്യ ദിവസം തന്നെ വായിച്ചതാണു. ഒരു കമന്റ് പൊലും ഇടാതെ പൊയതുമാണു. പക്ഷേ അതിൽ ചർച്ചയിൽ പങ്കെടുത്ത ആളുകളോട് താങ്കൾ പുലർത്തിയ നിലപാട് കണ്ടപ്പോഴാണു ഒരു കമന്റ് ഇടണമെന്നു തോന്നിയത്. താങ്കളുടെ പോസ്റ്റ് കൈപ്പള്ളി പറയുന്നതു പോലെ അത്ര ഗവേഷണമൊന്നും വേണ്ട ഒന്നല്ല. അതിൽ സങ്കീർണ്ണമായ ഒന്നും തന്നെയില്ല. ബൌധിക സ്വത്തവകാശത്തിന്റെ ഒന്നും പ്രശ്നവുമല്ലയത്.. ബ്ലോഗ് എഴുതുന്നവർക്കും സ്വത്തവകാശം കിട്ടുന്നുണ്ട്. കഴിവുള്ളവർക്ക്. മീനാക്ഷിയുടെ ബ്ലൊഗ് പൊസ്റ്റുകൾ പെങ്വിൻ നല്ല വിലകൊടുത്ത് വങ്ങിയതും കുറുമാനെ പോലെ പലരും പുസ്തക രൂപത്തിൽ വിൽക്കുന്നതും അതിനുദാഹരണമാണു. അതുകൊണ്ട് ബ്ലോഗ് വായിക്കുന്നവർ പോസ്റ്റിയവനു ചൊറിഞ്ഞു ലാഭമൂണ്ടാക്കി കൊടുക്കണമെന്നു പറഞ്ഞാൽ അതു ദഹിക്കാൻ എനിക്കു വിഷമമാണു. ഇവിടെ അഭിപ്രായം പറഞ്ഞ പലരെയും പോലെ ഞാനു അത് പറയുകയായിരുന്നു. താങ്കൾ കമന്റുകളെ നേരിട്ട രീതിയിൽ തിരികെ കിട്ടിയെന്നേയുള്ളു. അല്ലാതെ എല്ലാവർക്കും ഒരു അഭിപ്രായം വരണമെന്നോ തങ്കൾക്കു അഭിപ്രായം പറയാൻ അവകാശമില്ലന്നോ ഞാൻ പറഞ്ഞില്ല. എന്റെ പ്രതികരണരീതിയെ കുറിച്ചണെങ്കിൽ എത്തരത്തിലാണ് അതെന്നു അറിയാൻ എന്റെ പോസ്റ്റ്കളും മറ്റ് പോസ്റ്റ്കളിലുള്ള എന്റെ കമന്റു കളും നോക്കിയാൽ മതി.
അനില് വേങ്കോട്
സാറിന്റെ ഒടിഞ്ഞുമടങ്ങിയുള്ള ഉരുണ്ടുകളി മലയാളം വായിച്ചിട്ടു് ചില ഒരു കാര്യം മനസിലായില്ല. ഗൂഗിളിന്റെ മച്ചമ്പി ആരാണു് എന്നാ പറഞ്ഞെ? പിന്നെ വല്ലവനേയും ആക്ഷേപിക്കുമ്പോൾ സ്വന്തം പേരും മേലവിലാസവും വെച്ചു് ആക്ഷേപിക്കുക, എന്നാലല്ലെ അതിനൊരു സുഖം ഉണ്ടാവു.
തപ്പു,അനില്,
രണ്ടുപേരുടേയും കമന്റുകള്ക്ക് ശേഷം ഞാന് എന്റെ മറുപടികള് വീണ്ടും വായിച്ചു. ശ്രീഹരിയാണ് ഈ പോസ്റ്റില് ആദ്യം കമന്റെഴുതിയത്. അദ്ദെഹത്തിനു കൊടുത്ത മറുപടി ഇതാണ്:
ശ്രീഹരി,
എന്റെ ബ്ലോഗ് പോപ്പുലര് അല്ല എന്നുള്ളത് ആദ്യം മനസ്സിലാക്കേണ്ടുന്നത് ഞാന് തന്നെയല്ലേ? ആഡ്സന്സ് അക്കൌണ്ട് ഓപ്പണാണ്. പക്ഷേ പരസ്യം വേണ്ടാന്ന് വെച്ചത് വായനക്കാരനെ ബുദ്ധിമുട്ടിയ്ക്കാതിരിയ്ക്കാന് തന്നെയാണ്. എന്നെ സംബന്ധിച്ചിടത്തോളം എന്റെ ബ്ലോഗ് ഒരാള് വായിയ്ക്കാന് താല്പര്യപ്പെടുന്നത് തന്നെ എനിയ്ക്കുള്ള പ്രതിഫലം.
പിന്നെ ഈ പോസ്റ്റ് എന്തിനു എഴുതി എന്ന ചോദ്യം പ്രസക്തമാണ്. മലയാളത്തിലെ പോപ്പുലര് ബ്ലോഗുകളിലൊന്നിന്റെ ഉടമയോട് ഒരിയ്ക്കല് ചാറ്റില് ചോദിച്ച ചോദ്യത്തിനുത്തരമാണീ പോസ്റ്റ്.
നാം വായിയ്ക്കുന്ന ഒരു ബ്ലോഗിലെ നമ്മെ രസിപ്പിച്ച ഒരു പോസ്റ്റ് വായിച്ചു കഴിഞ്ഞതിനു ശേഷം അറിയാതെ പോലും ഒരു പരസ്യത്തില് ക്ലിക്കാതിരിയ്ക്കാന് ശ്രമിയ്ക്കുന്ന നമ്മുടെ മാനസികാവസ്ഥയെ കുറിച്ച് ആയിരുന്നു ആ ചാറ്റിന്റെ വിഷയം. നമ്മുക്ക് അനിവാര്യമായും സന്ദര്ശിയ്ക്കേണ്ട ഒരു സൈറ്റാണെങ്കില് കൂടിയും ഒരു ബ്ലോഗിന്റെ ലിങ്കിലൂടെ ആ സൈറ്റിലേയ്ക്ക് പോകാന് മടിയ്ക്കുന്ന മാനസികാവസ്ഥ എന്തിനെയാണ് സൂചിപ്പിയ്ക്കുന്നത്? വെറുതേ ക്ലിക്കണ്ട. പോസ്റ്റ് കൊള്ളാമെങ്കില് അതെഴുതിയ ആള്ക്കൊരു പ്രോത്സാഹനം എന്ന നിലയ്ക്ക് നമ്മുക്ക് എന്തെങ്കിലും പുതിയ ഇന്ഫര്മേഷന് ലഭിയ്ക്കും എന്ന് തോന്നുന്ന ഒരു ബാനറില് ഒന്നു ക്ലിക്കി ആ സൈറ്റ് ഒന്നു സന്ദര്ശിച്ചു വരാന് അധിക സമയം ഒന്നും വേണ്ടല്ലോ? അതും നല്ല പോസ്റ്റുകള് ആണെങ്കില് മാത്രം. അങ്ങിനെ ക്ലിക്കിയ ഞാന് ചെന്നു പെട്ടത് എത്രയോ ഗുണപ്രദമായ സൈറ്റുകളിലേയ്ക്ക് ആണെന്നറിയുമോ? ആ സൈറ്റുകളെ കുറിച്ച് പിറകേ എഴുതാം.
എന്തായാലും എനിയ്ക്കുള്ള പ്രതിഫലം നിങ്ങളുടെയൊക്കെ ഈ ഇടപെടലുകള് തന്നെ. നന്ദി.
ഈ മറുപടിയില് നിങ്ങള് കണ്ട തെറ്റു ചൂണ്ടികാണിയ്ക്കാന് സന്മനസ്സ് ഉണ്ടാകണം. തെറ്റായത് വല്ലതും കടന്നു കൂടിയിട്ടുണ്ട് എങ്കില് തിരുത്താന് വേണ്ടിയാണ്.
രണ്ടാമത് കമന്റെഴുതിയ ഹരിയ്ക്ക് നല്കിയ മറുപടി:
ഹരി,
ഇപ്പോള് മാത്രമല്ലല്ലോ എല്ലായിപ്പോഴും ഞാന് ഇങ്ങിനെയൊക്കെ തന്നെയല്ലേ?
വിമര്ശനാത്മകമായിട്ടാണ് താങ്കള് ഈ പോസ്റ്റിനെ സമീപിച്ചതെങ്കിലും പോസ്റ്റിന്റെ മര്മ്മം താങ്കള് മനസ്സിലാക്കി എന്നത് കമന്റില് നിന്നും ഊഹിയ്ക്കാം. നാം വായിയ്ക്കുന്നൊരു ബ്ലോഗില് നമ്മുക്ക് പ്രയോജനപ്പെടുത്താന് കഴിയുന്നൊരു ഇന്ഫര്മേഷന് ലഭിയ്ക്കും എന്ന് തോന്നുന്നിടത്ത് ക്ലിക്കാം. അതു മതി.
നല്ല പോസ്റ്റുകള് വായിച്ചിട്ട് പരസ്യങ്ങളിലേയ്ക്കും ഒന്നു നോക്കുക. അവിടെ എവിടെയെങ്കിലും നമ്മുക്ക് ഗുണപ്രദമായ ഏതെങ്കിലും പരസ്യം കാണാതിരിയ്ക്കില്ല. ഗുണകരമായ ഒരു പരസ്യവും ഇല്ലാ എങ്കില് ക്ലിക്കുകയും വേണ്ട. ഹിറ്റു കൂടും എന്നു കരുതി ബ്ലോഗു പോലും സന്ദര്ശിയ്ക്കാന് മടിയ്ക്കുന്നവരും ബൂലോഗത്ത് ഉണ്ട് എന്നതും മറക്കണ്ട. അവിടെയാണ് ബ്ലോഗുകളിലെ പരസ്യങ്ങള് കൂടി സമയം ഉള്ളപ്പോള് ഒന്നു ശ്രദ്ധിയ്ക്കണം എന്നു ഞാന് പറഞ്ഞു വെച്ചത്.
ശ്രീഹരിയോടു പറഞ്ഞതു പോലെ തന്നെ താങ്കള് അടക്കം ഉള്ളവരുടെ ഇടപെടലാണ് ബ്ലോഗിങ്ങിലെ എന്റെ പ്രതിഫലം.
നന്ദി-ഇടപെടലുകള്ക്ക്.
ഇതിലെ പുശ്ചം എന്താണെന്ന് ചൂണ്ടികാട്ടിയാല് അതും തിരുത്തും.
ഇതു സഞ്ചുവിനു കൊടുത്ത മറുപടി:
സഞ്ജു,
ഈ ബ്ലോഗിന്റെ തൊലി രെജിസ്സേഡ് ആണ്. ബ്ലോഗിന്റെ തലക്കെട്ടില് അത് എഴുതിയിട്ടും ഉണ്ട്. അപ്പോ പിന്നെ ഇളുപ്പിന്റെ പ്രശ്നം ഉദിയ്ക്കുന്നില്ലല്ലോ?
നന്ദി.
ഈ മറുപടിയാണ് പുശ്ചമായി തോന്നിയത് എങ്കില് ഞാന് നിസ്സഹായനാണ്. എന്റെ പ്രൊഫൈല് തന്നെ നെഗറ്റീവ് ആണ്. എന്നെ ഞാന് തിരിച്ചറിഞ്ഞത് തന്നെയാണ് എന്റെ പ്രൊഫൈല്. തലക്കെട്ടിലെ “REGISTERED" മനഃപൂര്വ്വം തന്നെ ചേര്ത്തതാണ്. ഇവിടെയും സത്യസന്ധമായി മറുപടി പറയാനാണ് ഞാന് ശ്രമിച്ചത്-സഞ്ജുവിന്റെ കമന്റ് പ്രകോപനപരം ആയിരുന്നെങ്കില് പോലും.
ഇതു പകല്ക്കിനാവന് കൊടുത്ത മറുപടി:
പകലേ,
എന്താണ് ഉദ്ദേശിച്ചത് എന്ന് മനസ്സിലായില്ല. വ്യക്തമാക്കിയാല് നന്നായിരുന്നു.
നന്ദി.
ആ കമന്റ് മനസ്സിലാകാത്തത് കൊണ്ടു തന്നെയാണ് അങ്ങിനെയൊരു കമന്റിട്ടത്.
ഇതു മനസ്സറിയാതെ എന്ന ബ്ലോഗര്ക്ക് കൊടുത്ത മറുപടി:
മനസ്സേ,
താങ്കളുടെ പ്രൊഫൈല് ഐഡിയിലൂടെ താങ്കളുടെ ബ്ലോഗ് സന്ദര്ശിച്ചു. പക്ഷേ അവിടെ പരസ്യം ഒന്നും കണ്ടില്ല. ഗൂഗിളിന്റെ സേവന പരസ്യം കണ്ടു. താങ്കള് പറഞ്ഞതു കൊണ്ടു തന്നെ ഒന്നു ക്ലിക്കുകയും ചെയ്തു. പക്ഷേ ആ ക്ലിക്കുകൊണ്ടു താങ്കള്ക്ക് ഗുണമൊന്നും ഉണ്ടാകില്ല. കാരണം സേവന പരസ്യങ്ങള് സേവനം മാത്രമാണ്. പ്രതിഫലം ഉണ്ടാകില്ല.
എന്റെ പ്രതിഫലം എനിയ്ക്കു ലഭിച്ചു. താങ്കളുടെ ഇടപെടലും എനിയ്ക്ക് പ്രതിഫലം തന്നെ.
നന്ദി.
ഇവിടെ പറഞ്ഞതും അക്ഷരം പ്രതി ശരിയായിരുന്നു. പരിഹസിച്ചതാണെങ്കിലും അദ്ദേഹത്തിന്റെ ബ്ലോഗ് ഞാന് സന്ദര്ശിച്ചു. പക്ഷേ അവിടെ ഗൂഗിളിന്റെ സേവന പരസ്യങ്ങള് മാത്രമേ ഉണ്ടായിരുന്നുള്ളു. ഇവിടേയും അസഭ്യമായതെന്തെങ്കിലും ഞാന് എഴുതിയിട്ടുണ്ടോ എന്ന് എനിയ്ക്ക് സംശയം ഉണ്ട്. നിങ്ങള്ക്ക് അങ്ങിനെ തോന്നിയിട്ടുണ്ടെങ്കില് അതു ചൂണ്ടികാട്ടൂ.
ഇതു വഹാബിനു കൊടുത്ത മറുപടി:
വഹാബ്,
ഇപ്പോഴും മലയാളം പരസ്യങ്ങള് ആഡ്സന്സ് സപ്പോര്ട്ട് ചെയ്യുന്നില്ല. ഇംഗ്ലീഷ് ആണ് തിരഞ്ഞെടുക്കുന്ന ഭാഷയെന്നു കള്ള സ്റ്റേറ്റുമെന്റ് കൊടുത്തിട്ട് അക്കൌണ്ട് ഓപ്പണാക്കി ആ കോഡ് മലയാളം ബ്ലോഗുകളില് പിടിപ്പിയ്ക്കുകയാണ് ഇപ്പോഴത്തെ ഒരു പ്രാക്ടീസ്.
അതും എത്തിക്സിനു വിരുദ്ധമല്ലേ? മലയാള ബ്ലോഗുകളിലെ ഒരു പരസ്യം പോലും ഗൂഗിള് അറിഞ്ഞു കൊണ്ടു തരുന്നതായിരിയ്ക്കില്ല. നാം തിരഞ്ഞെടുക്കുന്ന ഭാഷ മലയാളമാണെന്നു ഗൂഗിളിനെ അറിയിച്ചാല് “ഈ ഭാഷയില് ഗൂഗിള് ആഡ്സാന്സ് ലഭ്യമല്ല” എന്ന സന്ദേശമാണ് മൂന്ന് നാലു ദിവസങ്ങള്ക്ക് ശേഷം നമ്മുക്ക് ലഭിയ്ക്കുക.
അതായത് ആകെ മുഴുവന് ഗൂഗിളിനെ പറ്റിയ്ക്കല് തന്നെ. കൂട്ടത്തില് കൊള്ളാവുന്ന പരസ്യങ്ങളില് ഒന്നു ക്ലിക്കിയാല് ബ്ലോഗിന്റെ ഉടമയ്ക്ക് അതൊരു പ്രോത്സാഹനം ആകും എന്നു പറഞ്ഞ ഞാന് ബൂലോഗ തരികിടയും ആയി.
എന്തായാലും ഇടപെടലുകള്ക്ക് നന്ദി.
തെറ്റായതു വല്ലതും കടന്നു കൂടിയിട്ടുണ്ടോ?
ഇതു നചികേതിനു കൊടുത്ത മറുപടി:
നചികേത്,
താങ്കാളുടെ സ്റ്റേറ്റുമെന്റില് തെറ്റുണ്ട്. ബ്ലോഗെഴുത്ത് അവരവരുടെ സംതൃപ്തിയ്ക്ക് വേണ്ടിയുള്ളത് ആണെങ്കിലും അതു വളരെയധികം ആള്ക്കാര് ആസ്വാദിയ്ക്കുന്നുണ്ട്. മാത്രമല്ല പ്രതിഫലേശ്ച മാത്രമേ ബ്ലോഗെഴുത്തില് ഇല്ലാതുള്ളു. അദ്ധ്വാനം ഇല്ലാ എന്നു പറയാന് കഴിയുമോ? ഒരു പോസ്റ്റെഴുതാന് എത്ര മണിയ്ക്കൂര് അദ്ധ്വാനം ഉണ്ടാകും.
വെറുതേ ഇരുന്ന് എങ്ങിനെ കാശുണ്ടാക്കാം എന്ന സന്ദേശമാണീ പോസ്റ്റ് നല്കുന്നത് എന്ന താങ്കളുടെ നിലപാട് ശരിയാണോ? വ്യക്തമായും ഞാന് എഴുതിയിട്ടില്ലേ നാം വായിയ്ക്കുന്ന നമ്മേ രസിപ്പിച്ച ഒരു പോസ്റ്റ് വായിച്ചിട്ട് ആ ബ്ലോഗിലെ പരസ്യങ്ങളില് ഒന്നില് ക്ലിക്കിയാല് അത് ആ ബ്ലോഗിന്റെ ഉടമയ്ക്ക് നാം ചേതമില്ലാത്ത ഒരു ഉപകാരം ആയിരിയ്ക്കും ചെയ്യുക എന്ന്. ഇവിടെ എല്ലാ ബ്ലോഗിലെ എല്ലാ പരസ്യങ്ങളിലും രാവിലെ മുതല് മാറിയും തിരിഞ്ഞും ക്ലിക്കി കളിയ്ക്കുക എന്ന സന്ദേശമാണോ ഞാന് നല്കിയത്? അല്ല എന്നാണ് ഞാന് കരുതുന്നത്.
രണ്ടാമത്തെ സ്റ്റേറ്റുമെന്റും തെറ്റാണ്. ഈ ബ്ലോഗില് സാമൂഹ്യ പ്രതിബദ്ധതയുള്ളത് എന്തെങ്കിലും ഇതുവരെ വന്നോ എന്ന് എനിയ്ക്ക് തന്നെ സംശയമാണ്. ഒരോ ദിവസവും തോന്നുന്ന വെളിപാടുകള് അങ്ങ് ചാമ്പുന്നു അത്ര തന്നെ.
വന്നതിനും അഭിപ്രായം പറഞ്ഞതിനും നന്ദി.
ബ്ലോഗെഴുതി സമൂഹത്തെ സംസ്കരിച്ചു കളയാം എന്ന ധാരണയോടെയല്ല ഞാന് ബ്ലോഗെഴുതുന്നത്. ഒരോ ദിനവും എനിയ്ക്ക് തോന്നുന്നത് എഴുതി വിടുന്നു. അത്രയേ ഉള്ളൂ. സമൂഹത്തിന്റെ സംസ്കരണത്തിനു ബ്ലോഗെന്ന മാധ്യമം ഉപയോഗപ്പെടുത്തണം എന്ന കെ.പി.സുകുമാരന് മാഷിന്റെ പ്രസ്താവന വന്നൊരു പോസ്റ്റിലും ഇതു തന്നെയാണ് ഞാന് പറഞ്ഞത്. ഈ കമന്റിലും ഞാന് ആരെയെങ്കിലും അവഹേളിച്ചിട്ടുണ്ട് എന്ന് നിങ്ങള്ക്ക് തോന്നുന്നു എങ്കില് ചൂണ്ടികാട്ടണം.
ഇതു ശ്രേയസ്സിനു കൊടുത്ത മറുപടി:
ശ്രേയസ്,
നമ്മുക്ക് ഗൂഗിള് പരസ്യങ്ങളില് അല്ലെങ്കില് ബ്ലോഗുകളിലെ മറ്റേതെങ്കിലും പരസ്യങ്ങളില് ക്ലിക്കുന്നൊരു ക്ലബ്ബ് വേണമെന്നോ അല്ലെങ്കില് പരസ്പരം ക്ലിക്കി ഗൂഗിളിനെ പറ്റിയ്ക്കണമെന്നോ അല്ല ഞാന് ഈ പോസ്റ്റിലൂടെ പറയുന്നത്. ബ്ലോഗ് എഴുതുന്നത് തികച്ചും പ്രതിഫലേശ്ച കൂടാതെയാണെന്നുള്ളത് വസ്തുതയാണല്ലോ. അതങ്ങിനെ തന്നെ ആവുകയും വേണം. ഇഷ്ടമുള്ള സഭ്യമായതെന്തും എഴുതിയിടാനുള്ള സ്വാതന്ത്ര്യം തന്നെയാണ് ബ്ലോഗര് നല്കുന്നതും.
ഇവിടെ നല്ലൊരു പോസ്റ്റ് വായിച്ചാല് അതിന്റെ ഉടമയ്ക്ക് ഒരു പ്രോത്സാഹനം എന്ന നിലയില് അദ്ദേഹത്തിന്റെ അദ്ധ്വാനത്തിനു നമ്മുക്ക് നഷ്ടപ്പെടാനൊന്നും ഇല്ലാത്ത ഒരു പ്രതിഫലം നല്കുന്നതു തെറ്റാകുന്നില്ലല്ലോ? പോസ്റ്റ് വായിച്ചതിനു ശേഷം പോസ്റ്റ് ഇഷ്ടപ്പെട്ടു എങ്കില് - ഇഷ്ടപ്പെട്ടു എങ്കില് മാത്രം -ആ ബ്ലോഗിലെ പരസ്യങ്ങളിലും കൂടി ഒന്നു കണ്ണോടിയ്ക്കുക. എന്നിട്ട് നമ്മുക്ക് ഗുണപ്രദമാകും എന്നു തോന്നുന്ന ഏതെങ്കിലും പരസ്യം ഉണ്ട് എങ്കില് അവിടെ ഒന്നു സന്ദര്ശിയ്ക്കുക. ബ്ലോഗിന്റെ ഉടമയ്ക്ക് അദ്ദേഹത്തിന്റെ അദ്ധ്വാനത്തിനു നമ്മള് അങ്ങിനെ ചെറിയൊരു പ്രതിഫലം നല്കുകയും ആകും, പുതിയൊരു സൈറ്റ് നമ്മള് പരിചയപ്പെടുകയും ആകും.
അതായത് ഒന്നു കൂടി വ്യക്തമാക്കാം. പോസ്റ്റ് വായിച്ചിട്ട് കണ്ണില്പ്പെടുന്ന പരസ്യത്തില് വേണ്ടവര് ക്ലിക്കും എന്നതില് നിന്നും ചെറിയൊരു വ്യത്യാസം. ക്ലിക്കാന് കഴിയുന്ന പരസ്യങ്ങള് വല്ലതും ബ്ലോഗില് ഉണ്ടോ എന്നൊന്നു നോക്കാന് അരനിമിഷം ചിലവിടുക. (പോസ്റ്റ് രസിപ്പിച്ചു എങ്കില് മാത്രം). നമ്മുക്ക് സന്ദര്ശിയ്ക്കാന് തക്ക ഗുണമുള്ള പരസ്യം ഒന്നുമില്ലാ എങ്കില് ക്ലിക്കുകയും വേണ്ട. പക്ഷേ ഒന്നും ശ്രമിയ്ക്കാം.
നന്ദി.
ശ്രേയസ്സിനെ വ്യക്തിഹത്യ ചെയ്യാനോ വസ്തുതകള് വളച്ചൊടിയ്കാനോ ഞാന് ശ്രമിച്ചിട്ടില്ല. അങ്ങിനെയല്ലാ എന്നു നിങ്ങള്ക്ക് തോന്നുന്നു എങ്കില് അതെന്താണെന്നു ചൂണ്ടികാട്ടണം.
ഇതു ഹരിയ്ക്ക് രണ്ടാമതു കൊടുത്ത മറുപടി:
ഹരീ,
ശരിയാണ് താങ്കളുടെ നിഗമനം. “ഒന്നു ക്ലിക്കി സഹായിയ്ക്കൂ” എന്നൊരു ധ്വനി ഈ പോസ്റ്റില് വരുന്നുണ്ട്. പോസ്റ്റ് എഡിറ്റു ചെയ്യുന്നുണ്ട്.
വികലമായ ആ ആശയം പോസ്റ്റില് കടന്നു കൂടിയതിനു ക്ഷമാപണം. തെറ്റു ചൂണ്ടികാട്ടിയതിനും നന്ദിയും.
ഹരിയുടെ ഈ കമന്റിനു ശേഷമാണ് ഞാന് പോസ്റ്റ് എഡിറ്റു ചെയ്തത്. പോസ്റ്റില് വന്ന തെറ്റായ സന്ദേശം സത്യസന്ധമായി ചൂണ്ടികാട്ടിയ ഹരിയ്ക്ക് നന്ദി പറഞ്ഞു കൊണ്ടാണ് ഞാന് പോസ്റ്റ് തിരുത്തിയത്. ഇവിടെ പുശ്ചകലര്ന്നതെന്തെങ്കിലും ഞാന് പറഞ്ഞിട്ടുണ്ടോ?
ഇത് അനില് വെങ്കോടിനു ആദ്യം കൊടുത്ത മറുപടി:
അനില് സാറേ,
എന്തിനാ ഇങ്ങിനെ മസ്സില് പിടിയ്ക്കുന്നേ?
കൊല്ലം ജില്ലയിലെ അഞ്ചല് സ്വദേശിയായതു കൊണ്ടും ഇതുപോലെ പോസ്റ്റുകളുമായി നിരങ്ങുന്നതും കൊണ്ടും തന്നെയാണു ബ്ലോഗിനു അഞ്ചല് എന്നു പേരിട്ടത്.
ഇന്നി വരുന്നത് താങ്കളുടെ വരികള്:
ഇന്നത്തെ ലോകത്ത് ഇത്തരത്തിൽ കൈ നനയാതെ എടുക്കാവുന്ന നത്തയ്ക്കാകൾ ധാരാളമുണ്ട്. സൈബർ ലോകത്തിന്റെ സാധ്യതകളെയും സാങ്കേതികതയേയും നന്നായി അറിഞ്ഞവരും അതിൽ പണിയെടുക്കുന്നവരുമാണു ബ്ലോഗു മേഖലയിൽ അധികവുമെന്നു അങ്ങ് ഓർമ്മിക്കണമായിരുന്നു. എന്നിട്ടും മലയാളി ബ്ലോഗർമാരധികവും ഇതിൽനിന്നു അകന്നു നിന്നു. അത് അവന്റെ ശരീരവും മനസ്സും ഒരു കച്ചവടക്കാരനു ബോർഡുവയ്ക്കാൻ വാടകയ്ക്ക് കൊടുക്കാൻ മനസ്സില്ലാത്തതുകൊണ്ടാണു.
സര്,
കൈനനയാതെ നത്തയ്ക്ക പിടിയ്ക്കണം എന്നല്ല പറഞ്ഞത്. ഒരാള് എഴുതിയിടുന്നൊരു നല്ല പോസ്റ്റ് അത് വായിച്ചു മറ്റൊരാള് രസിച്ചിട്ടുണ്ട് എങ്കില് അതിനു പണം കൊടുക്കണം എന്നുമല്ല പറഞ്ഞത്. അയാളുടെ ബ്ലോഗില് അയാള് പരസ്യങ്ങള് പ്രദര്ശിപ്പിച്ചിട്ടുണ്ട് എങ്കില് തിരിച്ച് പോരും മുന്നേ ആ പരസ്യങ്ങളില് ഒന്ന് ഓടിച്ചു നോക്കി നമ്മുക്ക് ഗുണപ്പെടുന്നൊരു ലിങ്ക് കണ്ടാല് ആ ലിങ്കില് ഒന്നു ക്ലിക്കുന്നതില് ഏതു സാമൂഹ്യ സദാചാരത്തിന്റെ ഉടുതുണിയാണ് അഴിഞ്ഞു വീഴുന്നത്. അതും പരസ്യങ്ങള് പ്രദര്ശിപ്പിച്ചിട്ടുണ്ട് എങ്കില് മാത്രം. ഒരാള് പരസ്യം പ്രദര്ശിപ്പിച്ചിട്ടുണ്ട് അതിനര്ത്ഥം ആ പരസ്യത്തില് നിന്നും അയാള് വരുമാനം പ്രതീക്ഷിയ്ക്കുന്നു എന്നു തന്നെയല്ലേ? വീണ്ടും പറയുന്നു: വായിച്ചൊരു പോസ്റ്റ് നമ്മുക്ക് ആസ്വാദിയ്ക്കാന് കഴിഞ്ഞു എങ്കില് മാത്രം പോസ്റ്റ് വായിച്ചിട്ട് അരനിമിഷം അതില് പരസ്യങ്ങള് ഉണ്ടെങ്കില് ഒന്നു ഓടിച്ചു നോക്കുക. നമ്മുക്ക് വേണമെന്നു തോന്നുന്ന ഏതെങ്കിലും പരസ്യം ഉണ്ടെങ്കില് അവിടെയൊന്നു ക്ലിക്കുക. ഒരാള് എഴുതിയിടുന്നൊരു പോസ്റ്റിന്റെ അദ്ധ്വാനം കുറച്ചു കാണരുത്. അയാളുടെ പോസ്റ്റിനെ അയാള് വില്പനയ്ക്ക് വെച്ചു എന്നും വിപക്ഷിയ്ക്കേണ്ട.
താങ്കള് പറഞ്ഞിരിയ്ക്കുന്നതു പോലെ തന്റെ ശരീരവും മനസ്സും കച്ചവടക്കാരന്റെ ബോര്ഡ് വെയ്ക്കാന് താല്പര്യമില്ലാത്തവര്ക്ക് വേണ്ടിയല്ല ഈ പോസ്റ്റ്. തന്റെ ബ്ലോഗില് പരസ്യങ്ങള് പ്രതിഷ്ടിച്ചിട്ടുള്ളവര്ക്ക് വേണ്ടിയാണ്. പരസ്യങ്ങള് ഇല്ലാ എങ്കില് ക്ലിക്കിന്റെ പ്രശ്നവും ഇല്ലല്ലോ?
എന്തായാലും താങ്കളുടെ ഇടപെടലിനു നന്ദി.
ഈ മറുപടിയില് മസില് പിടിയ്ക്കുന്നത് എന്തിനാ എന്ന ഭാഗമാണ് നിങ്ങള്ക്ക് തെറ്റായി തോന്നിയതെങ്കില് മാപ്പ്. പക്ഷേ അനിലിന്റെ കമന്റ് മൊത്തത്തില് പോസ്റ്റെഴുതിയ ആള് എന്ന നിലയില് വ്യക്തിപരമായി എന്നെ അപഹസിയ്ക്കുന്നത് ആയിരുന്നു എന്നതും ചേര്ത്തു വായിയ്ക്കണം. എന്നിട്ടും ഞാന് മറുപടി വ്യക്തിപരമാകാതിരിയ്ക്കാന് ശ്രമിച്ചിട്ടും ഉണ്ട്. ഈ കമന്റിലൂടെ അനില് വെങ്കോടിനു ഏതെങ്കിലും തരത്തില് ബുദ്ധിമുട്ടുണ്ടായിട്ടുണ്ട് എങ്കില് നിസ്സീമമായ മാപ്പ് ചോദിയ്ക്കുന്നു.
എന്റെ ബ്ലോഗ് സന്ദര്ശിയ്ക്കുകയും അഭിപ്രായം പറയുകയും ചെയ്യുന്നവരെ എത്ര പ്രകോപനം ഉണ്ടായാലും അപഹസിയ്ക്കുക എന്നത് എന്റെ രീതിയല്ല. സമചിത്തതയോടെയല്ലാതെ ഒരാള്ക്കും ഞാന് മറുപടി എഴുതാറും ഇല്ല. ബ്ലോഗിങ്ങിലെ എന്റെ ശക്തി എന്റെ വായനക്കാര് തന്നെയാണ്. എന്നു കരുതി അഭിപ്രായം ഒരിടത്തും തുറന്നു പറയാതിരിയ്ക്കുകയും ഇല്ല. അതിനു വേണ്ടി അനോനിറ്റിയെ കൂട്ടുപിടിയ്ക്കലും എന്റെ രീതിയല്ല.
ഈ പോസ്റ്റ് എഴുതുമ്പോള് ബൂലോഗത്തുള്ള ആരും എന്നെ ന്യായീകരിയ്ക്കില്ല എന്ന ഉറപ്പും എനിയ്ക്കുണ്ടായിരുന്നു. എങ്കിലും എനിയ്ക്ക് തോന്നിയ ഒരു സംഗതി അതേപടി എഴുതിയിട്ടു എന്നേയുള്ളു. എതിരഭിപ്രായം പ്രതീക്ഷിയ്ക്കുമ്പോഴും ബ്ലോഗില് വരുന്നൊരു കമന്റിനു പകരം കമന്റെഴുതിയ ആളെ വ്യക്തിപരമായി അപഹസിയ്ക്കുന്നതരത്തില് മറ്റൊരാള് കമന്റെഴുതുമ്പോള് അതിനെ പ്രോത്സാഹിപ്പിയ്ക്കാനും കഴിയില്ല. എന്നെ വ്യക്തിഹത്യ നടത്തിയ പല കമന്റും മുകളില് വന്നിട്ടുണ്ട്. അനിലിന്റേതടക്കം. എന്നിട്ടും അത് പാടില്ലാ എന്നു ഞാന് പറഞ്ഞിട്ടില്ല. പക്ഷേ എന്റെ പോസ്റ്റിനു അനുകൂലമായോ പ്രതികൂലമായോ ആയിക്കോട്ടെ കമന്റിട്ട ഒരാളെ അപഹസിയ്ക്കുന്നതിനെ ഞാന് കണ്ടില്ലാ എന്നു നടിച്ചാല് അതു ആ അപഹാസത്തിനു പാത്രമായ ആളോട് ഞാന് ചെയ്യുന്ന പാതകമാണ്.
എന്റെ ബ്ലോഗില് വരുന്ന പോസ്റ്റിനു മാത്രമല്ല കമന്റിനും ഞാന് തന്നെയാണ് ഉത്തരവാദി.
നന്ദി.
എന്റെ മലയാളം കൈപ്പള്ളിക്കു മനസ്സിലാകുന്നില്ലായെന്നത് എനിക്കുള്ള അവാർഡായി ഞാൻ പരിഗണിക്കുന്നു.പിന്നെ അനിൽ വേങ്കോട് എന്നത് എന്റെ പേരുതന്നെയാണു.ഒരു ഒളിവുമതിലില്ല.കാരണം പുറത്തു പറയാവുന്ന ഒരു പേരു തന്നെയാണത്.
താപ്പു
"യഥാര്ത്ഥ ഗുണഭോക്താവിനു അധിക ബാധ്യതയുണ്ടാക്കുന്ന കമ്പനികളുടെ പരസ്യചിലവുകള് വര്ദ്ധിയ്കുന്നതരത്തിലുള്ള ഇതു പോലെയുള്ള തീര്ത്തും സാമൂഹ്യവിരുദ്ധമായ ഒരു പോസ്റ്റ ഇവിടെ സ്ഥിരം സന്ദര്ശകനായ എനിയ്കു കാണാന് കഴിഞ്ഞതില് നിരാശയുണ്ട്"
സേവനം വേണം പക്ഷെ അതിന്റെ ചിലവിനുള്ള പണം ആരെങ്കിലും എങ്ങനെയെങ്കിലും കൊടുത്തോളും. ഇതാണോ "ചാമൂക്കിക പ്രതിപത്തതത". എല്ലാം Free അയി കിട്ടണം എന്നുള്ള സ്വഭാവത്തിന്റെ മറ്റൊരു മുഖമാണു സാർ ഇപ്പോൾ പറഞ്ഞതു്. വല്ലവനും എങ്ങനെയെങ്കിലും എന്തെങ്കിലും ഉണ്ടാക്കി തരും. നമ്മൾ അതു് ഭേഷ പോയി അടിച്ചുമാറ്റി ഉപയോഗിക്കും അല്ലെങ്കിൽ Free അയി വായിക്കും.
താങ്കൾ "Free" ആയി അനുഭവിക്കുന്ന blogger എന്ന സവിധാനം googleന്റെ പരസ്യത്തിന്റെ ബലത്തിൽ മാത്രമാണു് പ്രവർത്തിക്കുന്നതു് എന്ന മനസിലാക്കുക. എന്തെങ്കിലും കാര്യമായി എഴുതുന്ന 500 മലയാളം ബ്ലോഗിൽ നിന്നും googleനു 10 പൈസ വരുമാനം കിട്ടുന്നില്ല. ചുരുക്കി പറഞ്ഞാൽ നിങ്ങൾക്കെല്ലാം വായിൽ തോന്നുന്നതു് എഴുതാനായി Googleന്റെ മറ്റു ഭാഷ service-കൾ തരുന്ന subsidy ആണു് ഇതു്.
Internetന്റെ ആദ്യകാലങ്ങളിൽ അനേകം സേവനങ്ങൾ "സൌജന്യമായി" തുടങ്ങിയിരുന്നു. അവ ലാഭകരമായി നിലനിർത്താൻ കഴിയാതെ വന്നപ്പോൾ നിർത്തുകയും ചെയ്തു. Blogger ഈ പാത സ്വീകരിക്കും എന്നു തോന്നുന്നില്ല കാരണം ബ്ലോഗർ നിലനിൽക്കുന്നതു് മലയാളം ബ്ലോഗർമാരുടെ തോളിലല്ലല്ലോ. അല്ലായിരുന്നു എങ്കിൽ എന്നെ ഇതു പൂട്ടു പോയേനെ.
ബ്ലോഗ്ലിൽ മലയാളത്തിൽ എഴുതാൻ സഹായിച്ചതും, Type ചെയ്യാൻ ഉപയോഗിക്കുന്ന applications ഉണ്ടാക്കിയതും നിങ്ങൾ പണം കൊടുത്തു വാങ്ങിയതല്ല. ഏതെങ്കിലും developer നിങ്ങൾക്ക് തന്ന ഔദാര്യമാണു്. ദാനം. അതിനായി അവർ നിങ്ങളോടു പ്രതിഫലം ചോദിച്ചില്ല എന്നു കരുതി അതിനു് ചിലവുകൾ ഇല്ല എന്നു കരുതുന്നതു് വിഢിതരമാണു്. ഈ Applications ഉണ്ടാക്കിയതിനു് ആരെങ്കിലും പണം ചോദിച്ചാൽ മലയാളികൾ എത്രപേർ കൊടുക്കും എന്നും ചിന്തിക്കണം. മലയാളിയുടെ "ചാമൂക്കിക പ്രതിപത്തതത" അങ്ങനെ ഒരു സാദനം Free ആയി download ചെയ്യാൻ കിട്ടിയിരുന്നു എങ്കിൽ ഉപയോഗിക്കാമായിരുന്നു.
ഹമ്മേ, ചര്ച്ച ഒരു വഴിക്കായല്ലോ!
• ഗൂഗിള് ആഡ്സെന്സിന്റെ പ്രവര്ത്തന രീതികൊണ്ട്, ആഡ്സെന്സ് ഉപയോഗിക്കുന്ന പേജുകളിലെ പരസ്യങ്ങള് (ബാനര്, സേര്ച്ച്, ഫീഡ് ഇവയിലേതായാലും) പലപ്പോഴും പ്രയോജനപ്രദമാകുവാറുണ്ട്.
• ആഡ്സെന്സ് പരസ്യങ്ങള് കാണിക്കുന്ന ഒരു ബ്ലോഗില്/സൈറ്റില് എത്തി. ആ ബ്ലോഗ്/സൈറ്റ് നിങ്ങള്ക്ക് പ്രയോജനപ്പെടുന്ന, നിങ്ങളുടെ ആശയങ്ങള്ക്ക് വിരുദ്ധമല്ലാത്ത (ഉദാ: സോഫ്റ്റ്വെയര് പൈറസിയെ നിങ്ങള് എതിര്ക്കുന്നെങ്കില്, ക്രാക്കുകള് ലഭ്യമാക്കുന്ന സൈറ്റുകളിലെ ആഡുകളില്, ആഡ് പ്രയോജനപ്രദമെങ്കില് പോലും, ക്ലിക്ക് ചെയ്ത് അവര്ക്ക് വരുമാനമുണ്ടാക്കേണ്ട.) ഒന്നാണെങ്കില്; പ്രയോജനപ്രദമായ ആഡുകള് (പലപ്പോഴും അത് മറ്റ് അനുബന്ധ സേവനങ്ങള്/ഉല്പന്നങ്ങള് ലഭ്യമാക്കുന്ന സൈറ്റ് ലിങ്കുകളാവും.) ക്ലിക്ക് ചെയ്ത് നോക്കുന്നതില് തെറ്റില്ല.
• ഇത് ആ ബ്ലോഗിനോട്, സൈറ്റിനോട് ചെയ്യുന്ന ഒരു ഔദാര്യമായോ, സഹായമായോ കാണേണ്ടതില്ല. ഒരു പരസ്യത്തില് ഒരാള് ക്ലിക്ക് ചെയ്യുമ്പോള്, ആ വിസിറ്ററുടെ ഒരു ആവശ്യം തന്നെയാണ് അവിടെ സേര്വ് ചെയ്യപ്പെടുന്നത്. അല്ലെങ്കില്, അങ്ങിനെയാവണം പരസ്യത്തിലുണ്ടാവുന്ന ക്ലിക്കുകള്.
• ചുരുക്കത്തില് പരസ്യത്തില് സന്ദര്ശകര് ക്ലിക്കുന്നതും, അങ്ങിനെ പരസ്യത്തിലൂടെ ബ്ലോഗുടമകള്ക്ക് വരുമാനം ലഭിക്കുന്നതും സ്വാഭാവികമായ ഒരു പക്രിയയായി നടക്കേണ്ടതാണ്. ബ്ലോഗുടമയ്ക്ക്, സര്വ്വീസ് ദാതാവിന് വരുമാനമായാലോ എന്നു കരുതി മാത്രം ക്ലിക്ക് ചെയ്യാതിരിക്കുന്ന പ്രവണത പാടില്ല എന്നുമാത്രം ഈ പോസ്റ്റില് നിന്നും മനസിലാക്കിയാല് മതിയെന്നു തോന്നുന്നു.
• പ്രഫഷണലായി ബ്ലോഗ് ചെയ്യുന്നവരുടെ കാര്യത്തിലാണ് പരസ്യങ്ങള് വഴിയുള്ള വരുമാനത്തിന് കൂടുതല് പ്രസക്തിയുണ്ടാവുന്നത്. മലയാളം ബ്ലോഗുകളില് അങ്ങിനെയുള്ളവര് വിരളമായിരിക്കാം. എന്നിരുന്നാലും വരും കാലങ്ങളില് അങ്ങിനെയുള്ളവര് ഇവിടെയും ഉണ്ടാവും എന്നതിനാല്, അഞ്ചലിന്റെ പോസ്റ്റിന് ഭാവിയില് കൂടുതല് പ്രസക്തിയുണ്ടാകുവാനാണ് സാധ്യത.
‘ബെര്ളിത്തരങ്ങളി’ല് രാവിലെ കണ്ട ആഡില് നിന്നും എത്തിയ ഒരു സൈറ്റാണിത്. അവിടെ ഓരോ പ്രദേശത്തെയും ന്യൂസ്പേപ്പര് ലിങ്കുകള് കാണുവാന് സാധിക്കും. പ്രയോജനപ്രദമല്ലേ? സൈറ്റ് ഞാന് ബുക്ക്മാര്ക്ക് ചെയ്തു. പരസ്യം പറയുന്നത് ഇത്ര മാത്രം:
-- + --
Indian Online Newspapers
Read newspapers from Delhi, Mumbai, Hyderabad and all over India!
www.newspapers.co.in
-- + --
ആഡ്സെന്സിലൂടെ മുന്പ് എത്തിപ്പെട്ട മറ്റൊരു സൈറ്റ് ഇതാ. അദ്വാനി രണ്ടും കല്പിച്ചാണെന്നു തോന്നുന്നു! :-)
ഓഫ്: പരസ്യത്തെ അനുകൂലിക്കുന്നത് ബൂര്ഷ്വ/മുതലാളിത്തം; എതിര്ത്താല് സാമൂഹിക പ്രതിബദ്ധത... ഈ ചിന്തകളൊക്കെ മാറേണ്ട കാലം എന്നേ കഴിഞ്ഞൂ! പരസ്യമെന്ന വരുമാനസാധ്യതയെ, സാമൂഹിക പ്രതിബദ്ധതയുള്ള സേവനങ്ങള്ക്ക് ഉതകുന്ന രീതിയില് പ്രയോജനപ്പെടുത്തുക എന്നതാവും ബുദ്ധി!
@ അഞ്ചല്,
:-) പോസ്റ്റിന്റെ ഉദ്ദേശം, ഉദ്ദേശിച്ച രീതിയില് (അഞ്ചലിന്റെ ബ്ലോഗ് സ്ഥിരമായി വായിച്ച് രൂപപ്പെട്ട സാമാന്യ ധാരണയ്ക്ക് അനുസൃതമായി) മനസിലാക്കുവാന് വായനക്കാര് പാടുപെടുമെന്നതിനാലാണ് (സാധാരണ അങ്ങിനെയുണ്ടാവാറില്ല) ആദ്യം തന്നെ “ഈയിടെയായി ഇതെന്താ പറ്റിയേ! അഞ്ചല് തന്നെയല്ലേ ഈ പോസ്റ്റൊക്കെ എഴുതുന്നെ? :-D” എന്ന ചോദ്യം വന്നത്.
--
നന്ദി അഞ്ചല്ക്കാരന് ...താങ്കള് നല്കിയ മറുപടികള് വിശകലനം ചെയ്യാനും തെറ്റുകള് തിരുത്താനും കാണിച്ച നിലപാടില് സന്തോഷിയ്കുന്നു.
കൈപ്പളിയ്ക്...
ഗൂഗിള് നല്കുന്ന സൌജ്യസേവനങ്ങളെ കുറിച്ചറിയാന് ഗൂഗിളിന്റെ പരസ്യ വരുമാനത്തെ വിശകലനം നടത്തേണ്ട കാര്യമുണ്ടെന്നു തോന്നുന്നില്ല അത്യാവശ്യം കോമേര്സ് പഠിയ്കാന് കഴിഞ്ഞാല് മതി. സൌജന്യ സേവനങ്ങളുടെ കച്ചവട സാധ്യതകളുടെ തുടര്ച്ചകള് നമ്മള് മൈക്രോസോഫ്ട് മുതല് മലബാര് ക്യാന്സര് സെന്റര് വരെ അനുഭവിയ്കുന്നതിനാല് അതു
വിശദീകരിയ്കാന് മുതിരുന്നില്ല,താങ്കള് പറഞ്ഞ "ചാമൂക്കിക പ്രതിപത്തതത"
സൌജ്യന്യമായി download ചെയ്യാന് കഴിയുന്ന ഒന്നാണെന്നുള്ള ധാരണയോടെയുള്ള അഭിപ്രായം സാമൂഹ്യപ്രവര്ത്തനത്തിന്റെ ഭാഗമായി ബ്ലോഗ്ഗെഴുതന്നവര് വിലയിരുത്തട്ടെ
ഹരി....
ഓഫ്: പരസ്യത്തെ അനുകൂലിക്കുന്നത് ബൂര്ഷ്വ/മുതലാളിത്തം; എതിര്ത്താല് സാമൂഹിക പ്രതിബദ്ധത... ഒരിക്കലും ആ അഭിപ്രായമില്ല, ഒരു നല്ല പോസ്റ്റ് എഴുതിയതിന്റെ പ്രതിഫലമായി പരസ്യത്തില് ക്ലിക്ക് ചെയ്ത് ബ്ലോഗര്ക്ക് വരുമാനമുണ്ടാക്കി കൊടുക്കണമെന്ന അഞ്ചലിന്റെ സ്റ്റേറ്റ്മെന്റിനെ മാത്രമേ ഇവിടെ വിമര്ശിച്ചിട്ടുള്ളൂ, അതു സാമ്പത്തികമായും സാമൂഹ്യപരമായ ന്യായീകരണങ്ങളുടെ പേരില് മാത്രം
താപ്പ്
"സൌജന്യ സേവനങ്ങളുടെ കച്ചവട സാധ്യതകളുടെ തുടര്ച്ചകള് നമ്മള് മൈക്രോസോഫ്ട് മുതല് മലബാര് ക്യാന്സര് സെന്റര് വരെ അനുഭവിയ്കുന്നതിനാല് അതു വിശദീകരിയ്കാന് മുതിരുന്നില്ല
അയ്യോ ദയവായി മുതിരു. Microsoftന്റെ സൌജന്യ സേവനങ്ങൾ ദയവായി പറഞ്ഞുതരൂ. ഈ കര്യത്തിൽ വിവരമില്ലാത്ത എന്നേപ്പോലുള്ളവർ ധാരാളമുണ്ടാകും. അല്പം വിജ്ഞാനം പകർന്നു തരൂ.
സ്നേഹിതരെ,
കൈപ്പള്ളി മുകളിൽ പറയുന്ന വാദഗതികളെ ഞാൻ പാടേ നിരാകരിക്കുന്നു. പക്ഷേ അതു വഴി അദ്ദേഹത്തെ തിരുത്താമെന്നു ഞാൻ കരുതുന്നുമില്ല. കാരണം ചിലതൊന്നും അങ്ങനെയങ്ങ് നിവർന്നു നേരെയായി കൊള്ളണമെന്നില്ല. ഈ സവാദം അവസാനിപ്പിക്കുന്നതിനു മുമ്പ് ചില കാര്യങ്ങൾ സൂചിപ്പിക്കണമെന്നു കരുതുന്നു.
1.ഗൂഗിൾ മാത്രമല്ല ബ്ലോഗ് ഹോസ്റ്റ് ചെയ്യാൻ അവസരമൊരുക്കുന്നത്. മറ്റ് നിരവധി പ്ലാറ്റ് ഫാമുകൾ ഉണ്ട്. ഗൂഗിൾ അല്ല ഇത്തരം ഒരു സരംഭം ആദ്യം തുടങ്ങിയത്.നന്നായി നടന്നിരുന്ന ഒരു നെറ്റ് വർക്ക് ഗൂഗിൾ സ്വന്തമാക്കുകയായിരുന്നു.
2.ഗൂഗിൾ സൌജന്യമായാണു ( എനിക്കടക്കം ) ഈ സൌകര്യങ്ങൾ പ്രദാനം ചെയ്യുന്നതെന്നു ഞാൻ കരുതുന്നില്ല. പരോക്ഷ കച്ചവട സാധ്യതകൾ ആദായകരമായി ഇതിനു പിറകിൽ ഉപയോഗിക്കുന്നുണ്ട്. ഉദാ: ലോകത്തിലുള്ള ടെലിവിഷൻ പ്രേക്ഷകരുടെ കൈയ്യിൽ നിന്നു കാശ് വാങ്ങിയിട്ടല്ല ടി വി ചാനലുകൾ ഒന്നും തന്നെ പ്രവർത്തിക്കുന്നത്. അതിനർത്ഥം അതെല്ലാം സൌജന്യമായി ചാനൽ മുതലാളിമാർ കുടുമ്പസ്വത്ത് വിറ്റ് നാട്ടുകാർക്കായി വിനോദവും വാർത്തയും നൽകുന്നുവെന്നല്ല. നമ്മളുടെ ( കാഴ്ചക്കാരുടെ) സമയത്തെയും സമ്മതത്തെയും വിപണനം ചെയ്ത് കാശുണ്ടാക്കുന്ന പരോക്ഷ കച്ചവട സാധ്യതകൾ ഉപയോഗപ്പെടുത്തിയിട്ടാണ്, വികസിപ്പിച്ചിട്ടാണ്. ഇതിങ്ങനെയാണെന്നിരിക്കെ പരസ്യം വരുമ്പോൾ ചാനൽ മാറ്റരുതെന്നു പറഞ്ഞുകൊണ്ട് അഞ്ചൽക്കാരനെയും കൈപ്പള്ളിയെയും പോലെ നന്മപൂത്ത മനുഷ്യരാരും കാബ്യനുമായി ഇതുവരെ ഇറങ്ങികണ്ടില്ല. ഗൂഗിളും ബ്ലോഗിലൂടെ ഇത്തരം കച്ചവടം തന്നെയാനു നടത്തുന്നത്. അതിനായി ബ്ലോഗ് എഴുതുകയും വായിക്കുകയും ചെയ്യുന്നവരെ പരോക്ഷമായി അവരുപയോഗപ്പെടുത്തുന്നുമുണ്ട്( എന്നെയടക്കം). യാഹുവും ഗൂഗിളും എം എസ്സ് എനുമെല്ലാം ഇ- മെയിൽ സൌകര്യം പ്രദാനം ചെയ്യുന്നതും ഇതേ ലോജിക്കിൽ നിന്നണ്. അതുകൊണ്ട് ഇതെല്ലാം ഞാൻ ആരെങ്കിലും സൌജന്യമായി തരുന്നതാണെന്നു കരുതുന്നില്ല. പരോക്ഷ കച്ചവടത്തിന്റെ നീരാളികൈകൾ എന്തെന്നു ഈ കമന്റിലൂടെ വിശദീകരിച്ചു ബോധ്യപ്പെടുത്തുകയെന്റെ ലക്ഷ്യമല്ല. മറ്റ് ജോലികൾ തീർന്നിട്ട് ഇതിൽ ഒരു സീരിയൽ ചെയ്ത് ബ്ലോഗ് നിറച്ചുകളയാമെന്നും വിചാരിക്കുന്നില്ല.
3.ഇന്നു സാങ്കേതികമായിലഭിക്കുന്ന ഇത്തരം സൌകര്യങ്ങൾ എന്നും ഇത്തരത്തിൽ തന്നെ നിലനിന്നുപോകുമെന്നു ഞാൻ കരുതുന്നില്ല. എന്നും അത് അങ്ങനെയായിരുന്നില്ലതാനും.
നാളെ പുതിയ സൌകര്യങ്ങളും കണ്ടീഷനുകളുമായി പുതിയ സാഹചര്യങ്ങൾ വികസിച്ചുവരും. അതുകൊണ്ട് ഇന്നു ഗൂഗിളിനെയോ മൈക്രോ സോഫ്റ്റിനെയോ നട്ടു നനയ്ക്കാൻ വെള്ളം കോരാൻ ഞാനില്ല. അഞ്ചൽകാരനോ, കൈപ്പള്ളിയോ അതാണു സായൂജ്യമെന്നു കരുതുന്നുണ്ടെങ്കിൽ ആവാം.തലേലെഴുത്തിനു പിടലിക്ക് ചൊറിഞ്ഞാൽ
മാറില്ലല്ലോ. അതൊന്നും എന്നെപ്പോലുള്ളവരുടെ സമ്മതത്തിൽവേണ്ടയെന്നു മാത്രമേ പറഞ്ഞുള്ളൂ.
ഗൌരവമായ സംഭാവനകൾ ഈ സംവാദം തുടർന്നതുകൊണ്ട് ഉണ്ടാവും എന്നു തോന്നാത്തതിനാൽ ഞാനിതിവിടെ ഉപേക്ഷിക്കുനു. ഇതുവരെ എന്നോട് സംവദിച്ചവർക്കു നന്ദി. എന്റെ വാക്കുകൾ ആരെയെങ്കിലും വേദനിപ്പിച്ചെങ്കിൽ അതിൽ ഞാൻ ദുഖിക്കുന്നു.
പ്രിയ അഞ്ചല്,
താങ്കളുടെ പോസ്റ്റിന്റെ ലക്ഷ്യം എന്ത് എന്ന് സംശയിക്കത്തക്കരീതിയിലായിരുന്നു പോസ്റ്റിന്റെ തലക്കെട്ട് തന്നെ. മലയാളം ബ്ലോഗുകളില് ആഡ്സെന്സ് എങ്ങനെ ഉപകാരപ്രദമാക്കാം എന്നോ മറ്റോ ആയിരുന്നെങ്കില് ചര്ച്ചയും ആ വഴിക്കായേനെ.
""ബ്ലോഗിലെ പരസ്യങ്ങളില് ക്ലിക്കാനെന്തിനു മടിയ്ക്കുന്നു?"
മടിക്കും. ഫോര് മള്ട്ടിപിള് റീസണ്സ്...
൧. അനാവശ്യ പോപ് അപ്
൨) സ്പൈവേര്/ആഡ്വേര്
൩) സമയനഷ്ടം
എങ്കിലും എന്നെ ആദ്യകമന്റിടാന് പ്രേരിപ്പ്പിച്ച ഘടകം അതല്ല. ബ്ലോഗ് ഒരു പണം ഉണ്ടാക്കാന് ഉള്ള ഉപാധിയായി മാറുമ്പോള്, എഴുത്തുകാരന് അവന്റെ സര്ഗാത്മകത പണയം വെയ്ക്കുന്നത് പിന്നെ കാണേണ്ടി വരും. പരസ്യത്തില് ക്ലിക്കിപ്പിക്കുന്ന വിധം എഴുതാന് തുനിയുക. അത്തരത്തിലുള്ല വിഷയങ്ങള് മാത്രം എഴുതുക, അങ്ങിനെയുള്ള ബ്ലോഗുകളുടെ ഒരു ബൂം തന്നെ ഉണ്ടാവുക എന്നത്.
എങ്കിലും ഇന്നത്തെ എക്കണോമിക് വ്യവസ്ഥിതിയില് ഒരു "ലിബറല്" ആശയം പൂര്ണമായി കൊണ്ടുനടക്കാന് ആവില്ല. അവിടെ ഹരിയോടും കൈപ്പള്ളിയോടും പൂര്ണമായി യോജിക്കുന്നു. ബ്ലോഗിനു വേണ്ടി തങ്ങള് ചിലവഴിക്കുന്ന സമയം ഉപകാരപ്രദം ആക്കേണം എന്നുള്ളവര് ആഡുകള് ഉപയോഗിക്കുന്നതിന് യാതൊരു തെറ്റുമില്ല.
രണ്ടാമത്തെ എന്റെ വിയോജനം - പരസ്യം ഒരു കലയാണെന്ന് ഞാന് വിശ്വസിക്കുന്നു. വായനക്കാരനെക്കൊണ്ട് ക്ലിക്കിക്കാന് പരസ്യം ചെയ്യുന്നവര്ക്ക് കഴിയണം. അല്ലാതെ ഒരു സൗജന്യം പരസ്യക്കാരോ അതിടുന്നവരോ പ്രതീക്ഷിക്കരുത്. ഇവിടെ ഞാനല്പം contradictory ആയി എന്നറിയാം. എങ്കിലും ഉദ്ദേശശുദ്ധി പരിഗണിച്ച് ക്ഷമിക്കുക.
ഒരു ഓഫ് :
കൈപ്പള്ളീ,
മൈക്രോസോഫ്റ്റിന്റെ ഏറ്റവും വലിയ സൗജന്യസേവനം അവര് പൈറസിയ്ക്ക് നേരെ ഒരു മനപൂര്വമായ കണ്ണടയ്ക്കല് നടത്തി എന്നതാണ്. (റ്റു ഗെറ്റ് ദേര് ഓ.എസ് മോര് പോപ്പുലര്)
പരസ്യങ്ങളില് ക്ലിക്കുന്നതിന് മടിക്കേണ്ടതില്ല. ആവശ്യമുള്ള ലിങ്ക് കണ്ടാല് ക്ലിക്കുന്നതിലും അതില് അല്പസമയം ചിലവിടുന്നതും ഒക്കെ വായനക്കാരുടെ സ്വാതന്ത്രം. അതു കൊണ്ട് ബ്ലോഗ് എഴുതിയവര്ക്ക് അല്പം വരുമാനം ഉണ്ടായാല് അത് അവരെ പ്രോത്സാഹിപ്പിക്കുന്നതു തന്നെയാണ്. മലയാളം ബ്ലോഗില് ആഡ്സെന്സ് ലഭിക്കില്ല എന്നാണ് എന്റെ പരിമിതമായ അറിവ്. സത്യത്തില് മറ്റെല്ലാ ബ്ലോഗിനേയും പോലെ മലയാളത്തിലും വളരെ മികച്ച സൃഷ്ടികള് ഉണ്ടാവുന്നുണ്ട്. ഏതെങ്കിലും ഒരു പ്രസിദ്ധീകരണത്തില് അത് പ്രസിദ്ധീകരിച്ചാല് ന്യായമായ ഒരു പ്രതിഫലം ലഭിക്കാറുണ്ട്. എന്നാല് ബ്ലോഗിലൂടെ ലഭിക്കുന്നത് ആത്മസംതൃപ്തി മാത്രമാണ്. ആ അവസ്ഥക്ക് മാറ്റമുണ്ടാകുന്നത് കൂടുതല് നല്ല ആശയങ്ങള് ബ്ലോഗിലൂടെ പങ്കുവയ്ക്കാന് ഇടയാക്കും എന്നതില് തര്ക്കമില്ല
sir
ente name sidhik
malayalam blogil eganayan parasym labikuka
first stup muthal parayamo
plz rply email
email sidhik125@gmail.com
thanks
Post a Comment